Gimet 8:36 - U Maganda A Baheta Ni Jesu-Cristo

³⁶ Nagtulos-tulos hide tu páglakbay de hanggan nakademát tu lugar a tehhod a dinom. Kinagi nu pinuno, “Tehhod he a dinom, maariyák mu dán beman a mabawtismuwan?”

Gimet 8:36 ပူးပေါင်းရင်းမြစ်များ

Mateo 3:11

Bawtismuwan ko ti dinom u tolay hide bilang tanda nu págsisi de pero u Tagapagligtas a dumemát ay mas makapangyariyan nan nikán. Awanák pa ngane karapatdapat a magin utusan na a tagatawed nu sapatus na. Siya u magbawtismo nikam tu Banal a Ispiritu sakay tu apoy.

Mateo 3:6

Intapat de u kasalanan de sakay tulos hide a binawtismuwan ni Juan tu dinom a Jordan.

Juan 3:23

Ti Juan ay nagbawtismo tu lugar a Enon, a adene ti Salim, dipo makpal hod a dinom. Sakay immangay nikuna u makpal a tolay para magpabawtismo.

Juan 3:5

Kinagi ni Jesus, “Kagiyan ko niko u tatahoden: Awan ti maski ni deya man u makasáddáp tu kaharian nu Diyos ni awan siya meenak tu pamamag-itan nu dinom sakay tu Banal a Ispirito.

Gimet 10:47

“Tehhod pa beman a makahadlang para bawtismuwan hide tu dinom? Konna labe hide nikitam a napagkaluuben ti Banal a Ispirito.”

Gimet 8:37

Kinagi nikuna ni Felipe, “Maare taka a bawtismuwan ni tunay u pánnampalataya mo tu Panginoon Jesu-Cristo.” Timmábbeg siya, “Maniwalaák a ti Jesu-Cristo u anak nu Diyos.”

1 Juan 5:6

Ti Jesu-Cristo ay immangay ti munduwáy, nabawtismuwan tu dinom sakay timmuhog u digi na tu kákkatay na. Bakán la siya a nabawtismuwan tu dinom nan timmuhog pa u digi na. U Banal a Ispirito u mangpatunay a tatahoden iye, dipo u tatahoden la u katoy tu Banal a Ispirito.