Gimet 8:12 - U Maganda A Baheta Ni Jesu-Cristo

¹² Pero nikuna impangaral ni Felipe u Maganda a Baheta tungkul tu pághare nu Diyos sakay tungkul ni Jesus-Cristo ay summampalataya sakay nagpabawtismo u lállake hide sakay u bábbey hide.

Gimet 8:12 ပူးပေါင်းရင်းမြစ်များ

Mateo 28:19

Kanya angay kam sakay gimitán moy a disepulus ko u atanan a tolay tu atanan a bansa. Bawtismuwan moy hide tu ngahan nu Ama sakay nu Anak sakay tu Banal a Ispiritu.

Lukas 9:2

Sakay inutusan na hide a angay mangaral tungkul tu pághare nu Diyos sakay magpapiyya tu tehhod hide a saket.

Lukas 9:60

Pero kinagi na nikuna, “Ipebahala mu dán tu patay hide u páglábbáng tu kasapatay de hide. Pero hiko ay angay mo ibaheta u pághare nu Diyos.”

Gimet 11:20

Pero u iba tu mánnampalatay hide a taga-Chipre sakay taga-Cirene, a immangay ti Antioquia sakay nangaral be tu Griego hide tu Maganda Baheta tungkul tu Panginoon a ti Jesu-Cristo.

Gimet 18:8

Ti Crispo a pinuno nu sinagoga sakay tu buo na a pamilya ay summampalataya tu Panginoon. Sakay makpal pa a taga-Corinto a nágsaneg ni Pablo u summampalataya sakay nagpabawtismo.

Gimet 19:5

Nikuna masaneg de itod ay nagpabawtismo hide tu ngahan nu Panginoon a ti Jesus.

Gimet 2:38

Timmábbeg ti Pedro, “Kákkapatkákka ko hide, pagsisiyan moy dán sakay adeyuwan u kasalanan moy hide, sakay magpabawtismo kam tu ngahan ni Jesu-Cristo tánni mapatawad kam tu kasalanan moy hide, sakay pagkaluuben nakam tu Banal a Ispirito.

Gimet 2:41

Makpal u naniwala tu mensahe na sakay nagpabawtismo hide a agad. Ti itod a aldew ay mga tállo a libu a tolay u nedagdag tu mánnampalataya hide.

Gimet 20:21

Impangaral ko tu Judio hide sakay tu Griego hide a dapat de adággen u kasalanan de sakay magsole tu Diyos sakay sumampalataya tu Panginoon tam a ti Jesu-Cristo.

Gimet 20:25

Nákpággagumák nikam mentaras a mangaralák tu pághare nu Diyos. Nadid, tukoy ko a awanák moy dán ketan a huway.

Gimet 28:31

Mabegsák u isip na sakay malaya siya a nangaral tungkul tu pághare nu Diyos sakay tungkul tu Panginoon Jesu-Cristo.

Gimet 5:14

Pero mágkakakáppal u lállake hide sakay u bábbey hide a summampalataya tu Panginoon.

Gimet 8:4

U namághiwewalay a mánnampalataya u nagtoldu tu Maganda a Baheta. Maskin hádya hide keangayan ay ibaheta di pade.

Roma 10:10

Dipo imbilang nu Diyos a awan ti kasalanan u tolay a sumampalataya nikuna ti buo a puso. Sakay ni ipahayag na a siya ay sumampalataya, maligtas siya.

1 Corinto 11:11

Pero hikitam a manampalataya hide ni Cristo lállake man oni bábbey ay pareho hide a mahalaga. Kaya diyan kagiyán nu bábbey a awan na kailangan u lállake sakay diyan be kagiyán nu lállake a awan na kailangan u bábbey.

Galacia 3:28

Awan dán ti pagkaibaan u Judio hide sakay u Griego hide, u alipin sakay u malaya hide, u lállake sakay u bábbey hide. Eessa kamon a atanan dipo tu pákpagkaessa moy ni Jesu-Cristo.

1 Pedro 3:21

I dinuman itod a lonso ay sa itod u mage letrato nu págbautismo a mángligtas nikam. Tu pamamag-itan nu kákkabiyag a huway ni Jesu-Cristo. U págbawtismo a iye ay bakán a para linisán u dangát nu bággi tam nan iye ay tanda a nagsise kitamon tu kasalanan tam hide. Dipo ti iye ay maare kitamon a iligtas nu Diyos dipo ti Cristo ay huway a nabiyag.