Gimet 6:11 - U Maganda A Baheta Ni Jesu-Cristo

¹¹ Kanya sinekreto de a sinulsulan u sangan a lállake a magkagi ti konna he, “Nasaneg me a sássumpaán na ti Moises sakay u Diyos.”

Gimet 6:11 ပူးပေါင်းရင်းမြစ်များ

Juan 1:17

Pero inyatád nikitam nu Diyos u Kautusan tu pamamag-itan ni Moises, pero u kagbi sakay u tatahoden ay neatád nikitam tu pamamag-itan ni Jesu-Cristo.

Juan 16:3

Gimitán de i iye hide a bagay dipo awanák de kilala sakay awan di be kilala u Ama.

Juan 9:29

Tukoy me a nagupos u Diyos ni Moises, pero u tungkul ti tolayan itona ay awan me tukoy ni hádya siya a gábwat.”

Gimet 15:21

Dipo sapul pa tu itod a panahun, u Kautusan ni Moises ay bábbasaan dán tu sinagoga hide kada Aldew nu Káimang, sakay ipáppangaral u upos na tu kada banuwan.”

Gimet 18:6

Nikuna kinontara de siya sakay ininsulto ay impagpag na u alikabuk tu badu na, bilang babala nide. Kinagi na, “Kasalanan moy dán ina ni mepahamak kam! Awanák dán ti pananagutan nikam! Sapul nadid ay hedák dán mangaral tu Hentil hide.”

Gimet 21:28

Ipáppákhaw de, “Kalugaran me hide, tulungan moy kame! Iye a tolay u mágtatolduwán ti kontara tu bansa a Israel, kontara tu Kautusan ni Moises, sakay kontara tu templo, maskin hádya siya a dumemát. Nangkuyog pa siya ti Griego hide tu templo; dinangáttan na iye a banal a lugar.”

Gimet 25:3

a ni maare ay paangayán na ti Pablo ti Jerusalem. Dipo u planu de ay harangán de siya tu dilan tánni bunuwán de.

Gimet 25:7

Káddemát ni Pablo ay kinalibung-bungan siya nu Judio hide a gábwat ti Jerusalem. Makpal sakay mágkadágge u ibábbintang de kontara nikuna, pero awan di labe mapatunayan.

Gimet 26:11

Sináddáp ko atanan a sinagoga, sakay ni deya man u kedemáttan ku hod ay pinahirapan ko tánni pilitán a magupos kontara ni Jesus. Tu subra ko iyamut tu mánnampalataya hide ay immangayák pa tu agum a bansa para pahirapan ko hide.”

Gimet 6:10

Pero awan hide ti magimet tu karunungan ni Esteban a inyatád nu Banal a Ispirito.

Gimet 6:12

Iye u ginimet de tánni masulsulan de a magiyamut u tolay hide ni Esteban, u ama-amaan hide nu lahe hide sakay tu lahe hide ni Israel. Sinunggaben de siya sakay inyatubang tu Sanedrin.

Gimet 6:13

Sakay náng-atubang hide ti mágkabule a mangpatunay kontara ni Esteban. Kinagi de, “I tolayan iye ay awan ti imang ti pággaupos kontara tu banal a Templo sakay tu Kautusan ni Moises.

Roma 3:8

Ni konna hod u katuwiran mo, ay kumán mo a kinagi a maggimet kitam ti madukás para lumuwas u maganda. Sakay ayun tu tolay hide a mangsássida nikame, konna kan hod u itáttoldu me. I tolayan ina hide ay dapat la a parusaan nu Diyos.

1 Timoteo 1:13

Maski tu itod ay pinagupusan ko ti madukás u ngahan na sakay pináppahirapan ko siya ay kinagbiyanák padi nu Diyos dipo awan ko tukoy u gagamitán ko nikuna awanák palla ti pánnampalataya nikuna.