Gimet 5:16 - U Maganda A Baheta Ni Jesu-Cristo

¹⁶ Sakay dimmemát be u makpal a tolay a gábwat tu iba-iba a banuwan a adene ti Jerusalem, tawed de u te saket hide sakay tu hinayup hide; kaya nagpiyya hide a atanan.

Gimet 5:16 ပူးပေါင်းရင်းမြစ်များ

Mateo 2:16

Nadid nikuna biyag padla ti Herodes sakay nakalakad dán di Jose ti Betlehem, natukuyan ni Herodes a naessaan siya nu bisita hide a gábwat ti Sikatan. Naiyamut siya a tahod. Kanya inutusan na u sundalo na hide a bunuwán de u atanan a anak a lállake a te idad a duwwa a taon sakay pababa a mágyan ti Betlehem sakay tu palebut na hide a lugar. U nagin giya na tu idad nu anak hide a bunuwán ay ayun tu natukuyan na a kinagi nu mágkalalake hide a tolay tu panahun nu kállitaw nu biton.

Mateo 4:24

Kanya nasaneg nu totolay hide tu buo a lugar a Siria u ginimet ni Jesus a makataka-taka hide. Inyangay de nikuna atanan nu te saket hide, u hinayup hide, u mágpatay hide sakay u awan dán hide makaahikad. Pinagpiyya hide a atanan ni Jesus.

Mateo 8:16

Nikuna a gibi dán ay inyangay nu tolay hide ni Jesus u makpal hide a hinayup. Essa na la a utos ay pinalakad na u mágkadukás hide a ispirito sakay pinagpiyya na u te saket hide.

Lukas 5:17

Essa, aldew mentaras magtoldu ti Jesus ay te mággetnod a Pariseo sakay u maisto hide nu Kautusan. Gábwat hide tu iba-iba a banuwan ti Galilea, ti Judea sakay ti Jerusalem. Atoy ni Jesus u kapangyariyan nu Diyos a magpapiya tu te saket hide.

Lukas 6:18

Ummangay hod hide para mágsaneg, sakay mapagpiyya tu saket de hide. Pinagpiyya ngani hide ni Jesus, pate u páppahirapan hide nu mágkadukás a ispirito.

Lukas 9:11

Nikuna matukuyan iye nu tolay hide ay timmagubet hide. Sakay masaya be hide a tinanggap ni Jesus sakay nangaral siya nide tungkul tu pághare nu Diyos. Pinagpiya na be u te saket hide.

Juan 14:12

Kagiyán ko nikam u tatahoden: U deyaman a maniwala nikán ay makagimet be tu gággimitán ko, sakay mas pa ti iye u magimet na dipo angayák dán tu Ama.

Gimet 4:30

Payagen mu dán tu pamamag-itan nu kapangyariyan ni Jesus a banal mo a tagapagserbi a mapapiyya me u te saket hide sakay makagimet kame ti himala sakay makataka-taka a bagay.”

Gimet 5:15

Inyangay nu tolay hide tu karsada u te saket hide sakay pinágkatdug de hide tu katre sakay u agum ay ti abák, tánni tu káttaleb ni Pedro ay malenduman hide nu anino na.

Gimet 5:17

Pero u pinakapuno nu saserdote hide sakay u sakup na hide a Saduseo ay tunay u pánnaghile de kanya namágkaessa hide a pahirapan de hide.

1 Corinto 12:9

Iye labe a Ispirito u nángkaluub tu agum ti dakál a pánnampalataya tu Diyos, sakay u agum ay tehhod a kapangyariyan a magpapiyya tu te saket hide.

Santiagu 5:16

Kanya itapat moy tu balang essa u kasalanan moy hide sakay ipagdasal moy u balang essa tánni magpiyya kam. Dakál u magimet nu panalangin nu tolay a pirme a sumunud tu kagustuwan nu Diyos.