Gimet 5:14 - U Maganda A Baheta Ni Jesu-Cristo

¹⁴ Pero mágkakakáppal u lállake hide sakay u bábbey hide a summampalataya tu Panginoon.

Gimet 5:14 ပူးပေါင်းရင်းမြစ်များ

Gimet 11:24

Mabait a tolay ti Bernabe, sakay u Banal a Ispirito u giyya na tu biyag na sakay matibay u pánnampalataya na kanya makpal pa u tolay a naakit tu Panginoon.

Gimet 2:41

Makpal u naniwala tu mensahe na sakay nagpabawtismo hide a agad. Ti itod a aldew ay mga tállo a libu a tolay u nedagdag tu mánnampalataya hide.

Gimet 2:47

sakay pirme hide a magpure tu Diyos sakay igalang hide nu tolay hide. Kada aldew ay tehhod a iligtas u Diyos sakay idagdag na hide tu grupo nu manampalataya hide.

Gimet 22:4

Pinahirapan ko u tolay hide a simmunud tu Toldu nu Diyos tungkul tu kaligtasan a hod ni Cristo. Sakay pinabuno kupa u agum. U agum be ay pinapungo ko hide sakay impepireso, bábbey man oni lállake.

Gimet 4:4

Pero maskin konna he u nangyare nide ay makpal u simmampalataya tu págtoldu de. Ummabut ti limma a libu u simmampalataya hide a lállake.

Gimet 6:7

Tulos-tulos a kimmalat u Upos nu Diyos sakay u mánnampalataya hide ay pakáppal a pakáppal ti Jerusalem. Sakay u saserdote hide ay makpal a simmampalataya.

Gimet 8:12

Pero nikuna impangaral ni Felipe u Maganda a Baheta tungkul tu pághare nu Diyos sakay tungkul ni Jesus-Cristo ay summampalataya sakay nagpabawtismo u lállake hide sakay u bábbey hide.

Gimet 8:3

Pero tu pagkagusto ni Saulo a sidaán u mánnampalataya hide ay sináddáp na u bila-bilay sakay dinakap na u mánnampalataya hide sakay inkulung na, bábbey man oni lállake.

Gimet 9:2

sakay nák-aged siya ti sulat para tu sinagoga hide ti Damasco tánni madakáp u deya man a ketan na hod a kaguman tu mánnampalataya hide, lállake man oni bábbey sakay iyangay na hide ti Jerusalem.

Gimet 9:31

Kanya sapul hod ay nagin tahimik u kalagayan nu mánnampalataya hide tu buo a Judea, Galilea sakay Samaria. Hide ay bimmegsák ti pánnampalataya sakay kimmakpal tu tulung nu Banal a Ispirito sakay nabiyag a te ánteng tu Panginoon.

Gimet 9:35

Nikuna a ketan nu atanan a mámmágyan ti Lida sakay Saron a nagpiyya dán siya ay summampalataya hide tu Panginoon.

Gimet 9:42

Nabaheta iye nu tolay hide a mágyan tu banuwan nu Joppa, kanya makpal u naniwala tu Panginoon.

2 Corinto 6:15

Ni kodya a awan magkasundu ti Cristo sakay ti Satanas konna bi hod u mánnampalataya tu awan mánnampalataya.

Galacia 3:28

Awan dán ti pagkaibaan u Judio hide sakay u Griego hide, u alipin sakay u malaya hide, u lállake sakay u bábbey hide. Eessa kamon a atanan dipo tu pákpagkaessa moy ni Jesu-Cristo.