Gimet 5:13 - U Maganda A Baheta Ni Jesu-Cristo

¹³ Pero manteng a mákkuyog u awan hide mánnampalataya maski ni tehhod hide a respeto nide.

Gimet 5:13 ပူးပေါင်းရင်းမြစ်များ

Lukas 19:48

Pero awan hide ti netan a paraan ni kodya di siya a mabuno, dipo atanan a tolay ay taimtim a mágsaneg nikuna.

Juan 12:42

Konna man hod ay makpal labe tu puno nu Judio hide u naniwala ni Jesus. Pero inlihim di la iye dipo tu ánteng de tu Pariseo hide, sakay umád de a mapalakad hide tu bilay a págsambaan.

Juan 19:38

Káttapos ni iye, ti Jose a taga-Arimatea ay immangay tu kán Pilato para mák-aged ti permiso a mangalap tu bangkay ni Jesus. (Ti Jose ay essa a disepulus ni Jesus, pero lihim la dipo manteng siya tu pinuno nu Judio hide.) Sakay pinakultaden siya ni Pilato; kanya inalap na u bangkay ni Jesus.

Juan 9:22

Konna hod u kinagi nu dáddakál hide nu lállake dipo tu ánteng de tu pinuno nu Judio hide. Dipo nagkasunduwan nu pinuno hide a ni ti deya man u maniwala ni Jesus a siya u Cristo ay awan di dán tanggapán tu bilay a págsambaan de.

Gimet 19:17

Nabaheta iye nu atanan a mágyan ti Efeso, Judio ay ti Griego; kanya nanteng hide a atanan sakay pinure de u ngahan nu Panginoon a ti Jesus.

Gimet 2:47

sakay pirme hide a magpure tu Diyos sakay igalang hide nu tolay hide. Kada aldew ay tehhod a iligtas u Diyos sakay idagdag na hide tu grupo nu manampalataya hide.

Gimet 4:21

Pero mahigpit di pa hide a binawalan a mangaral sakay káttapos ay pinalaya di dán hide. Maski ni gusto di nakwa a pahirapan u duwwa ay awan de iye nagimet dipo manteng hide tu tolay hide. Dipo u tolay hide ay magpure tu Diyos dipo tu nangyare a himala.

Gimet 5:26

Kanya immangay u puno nu guwardiya hide tu templo, kaguman na u sundalo na hide. Ingkuyog de u apostol hide, pero awan de hide pinuwersa dipo manteng hide a budasán hide nu tolay hide.

Gimet 5:5

Nikuna masaneg iye ni Ananias ay patay siya a natumba. Sakay atanan nu nakasaneg tu nangyare ay neántingan hide a tahod.

2 Corinto 10:15

Awan me ipagmadakál u nagpagudan nu agum. Nan asaan me a tu káttibay nu pánnampalataya moy, ay lumawak palla u gawain me nikam, pero awan kame lummampas tu impagimet nu Diyos nikame.