Gimet 4:33 - U Maganda A Baheta Ni Jesu-Cristo

³³ Tu begsák nu kapangyariyan nu Diyos ay tulos-tulos la a magpatunay u apostol hide tungkul tu kákkabiyag a huway nu Panginoon Jesus. Kanya pinagpala nu Diyos u atanan a mánnampalataya.

Gimet 4:33 ပူးပေါင်းရင်းမြစ်များ

Markos 16:20

U disepulus na hide ay immangay ngani tu iba-iba a lugar sakay nagtoldu. Tinulungan hide nu Panginoon ti itod a gawain. Pinatunayan nu Panginoon tu tolay hide a tahod u impáppangaral de tu pamamag-itan nu pággimet ti makataka-taka a bagay a inpagkaluub na nide. [9 Ummangay u bábbey hide tu kán Pedro sakay tu kaguman na hide, sakay insaysay de u atanan a nakagi nide. 10 Káttapos ay inutusan ni Jesus u disepulus na hide a ipangaral tu atanan a suluk ni munduwáy u banal sakay a awan maglilipas a baheta nu kaligtasan a awan ti kahád.]

Lukas 2:52

Mágdaka-dakál ti Jesus a malalake sakay lalo pa a kinasayaan nu Diyos sakay nu tolay hide.

Juan 1:16

Nadid, dipo mahal na kitam a tahod, kanya nakatanggap kitam a atanan ti sunud-sunud a págpapala.

Gimet 1:8

Pero ni kátna dán nikam u Banal a Ispirito ay magkahod kam ti kapangyariyan a mangpatunay tungkul nikán ti Jerusalem, tu buo a Judea, ti Samaria, sakay hanggan tu kasuluk-sulukan ni munduway.”

Gimet 2:47

sakay pirme hide a magpure tu Diyos sakay igalang hide nu tolay hide. Kada aldew ay tehhod a iligtas u Diyos sakay idagdag na hide tu grupo nu manampalataya hide.

Gimet 4:30

Payagen mu dán tu pamamag-itan nu kapangyariyan ni Jesus a banal mo a tagapagserbi a mapapiyya me u te saket hide sakay makagimet kame ti himala sakay makataka-taka a bagay.”

1 Tesalonica 1:5

Impakapos-pos me nikam u Maganda a Baheta a awan kame nagduwwa-duwwa, sakay bakán la a tu pággupos nan tu kapangyariyan nu Diyos sakay tu tulung nu Banal a Ispirito. Sakay netan moy ni kodya kame a nabiyag nikuna nákpágyan kami hina. Ginimet mi ina para tu kapiyaan moy.

Hebreo 2:4

Pinatunayan be iye nu Diyos tu pamamag-itan nu senyal hide sakay iba-iba a makataka-taka a bagay, sakay tu pamamag-itan nu kaluub nu Banal a Ispirito a inyatád na a ayun tu kaluuban na.