Gimet 4:31 - U Maganda A Baheta Ni Jesu-Cristo

³¹ Káttapos de a magdasal ay nayanág u pamággipun-ipunan de a bilay. Atanan de ay naputat tu Banal a Ispirito sakay buung tapang a nangaral tu Upos nu Diyos.

Gimet 4:31 ပူးပေါင်းရင်းမြစ်များ

Mateo 21:22

Sakay anya man u agidan moy tu panalangin ay maalap moy, ni naniwala kam.”

Juan 14:12

Kagiyán ko nikam u tatahoden: U deyaman a maniwala nikán ay makagimet be tu gággimitán ko, sakay mas pa ti iye u magimet na dipo angayák dán tu Ama.

Juan 15:16

Bakán a hikam u nangpile nikán, nan hikán u nangpile nikam, tán maglakad kam sakay magbunga tu bunga hide a manatile a hanggan-hanggan. Ni konna hod, ánya man u agidán moy tu Ama tu ngahan ko ay iyatád na nikam.

Juan 15:7

Ni manatile kam nikán, sakay u upos ko ay manatile be nikam, ay iyatád ko u ánya man a agidán moy.

Gimet 14:3

Nanalay pa hod a nágyan di Pablo sakay ti Bernabe sakay mabegsak u pággisipan de a mangaral tungkul tu Panginoon. Pinatunayan be nu Panginoon a tatahoden u ipáppangaral de tungkul tu kabaitan na tu pamamag-itan nu kapangyariyan a inyatád na nide a maggimet ti makataka-taka a bagay.

Gimet 2:1

Nikuna dumemát u aldew nu Penticostes ay nagipun-ipun tu essa a lugar u atanan nu mánnampalataya hide.

Gimet 2:2

Sakay te bigla dálla hide a nasaneg a galungogung a gábwat ti langet, a konna tu mabegsák a pahás. I galungogungan itod u masaneg tu hádya man a suluk nu bilay a pamággipun-ipunan de.

Gimet 2:4

Sakay minágkaputat hide ti Banal a Ispirito. Kanya nakapagupos hide ti iba-iba a upos, sigun tu kaluub nu Banal a Ispirito tu balang essa.

Gimet 4:13

Nagtaka u buo a Sanedrin tu begsák isip a impeta di Pedro sakay ti Juan, lalu dán nikuna naihupaan de a awan bál hide nakapagadal. Naihupaan dila be a hide u kakaguman ni Jesus tu itod.

Gimet 4:29

Sakay nadid Panginoon, ay pagisipan de kame ti madukás. Tulungan mo u tagapagserbi mo hide a mepangaral me ti buung tapang u Upos mo.

Filipos 1:14

Sakay kákpalan tu mánnampalataya hide ay lalo pa a timmatag u pánniwala de tu Panginoon dipo tu kákkepireso ko, sakay bimmegsák u isip de sakay awan ti ánteng a nagbaheta tu Upos nu Diyos.

Filipos 1:20

U gugusto ko sakay áasaan ko ay awanák nakwa magkulang tu tungkulin ko, nan magkahodák ti begsák ni isip ánya man a odas. Tánni mabiyagák man oni matay dán ay mapapuriyan ti Cristo tu pamamag-itan ko.

Santiagu 1:5

Ni ti deya man u kulang ti karunungan ay mangaged kam tu Diyos tánni atádden na kam dipo makákkagbiyán siya awan mágkemot sakay awan na ipasanike u magaged nikuna.