Gimet 4:29 - U Maganda A Baheta Ni Jesu-Cristo

²⁹ Sakay nadid Panginoon, ay pagisipan de kame ti madukás. Tulungan mo u tagapagserbi mo hide a mepangaral me ti buung tapang u Upos mo.

Gimet 4:29 ပူးပေါင်းရင်းမြစ်များ

Gimet 13:46

Pero tunay ti begsák u isip di Pablo sakay ti Bernabe a nagupos, “Dapatay ay hikam pa u purumero me a pángpakapospusan tu Upos nu Diyos. Pero dipo awan moy tinanggap iye, impeta moy a awan kam karapat-dapat tu biyag a awan ti kahád, kanya angay kame dálla mangaral tu bakán hide a Judio.

Gimet 14:3

Nanalay pa hod a nágyan di Pablo sakay ti Bernabe sakay mabegsak u pággisipan de a mangaral tungkul tu Panginoon. Pinatunayan be nu Panginoon a tatahoden u ipáppangaral de tungkul tu kabaitan na tu pamamag-itan nu kapangyariyan a inyatád na nide a maggimet ti makataka-taka a bagay.

Gimet 19:8

Mággangay ti Pablo tu sinagoga tu luub nu tállo a bulan sakay mabegsak u isip na a nangaral tu tolay hide. Nákpagtábbegen siya sakay impaliwanag na nide u tungkul tu pághare nu Diyos.

Gimet 26:26

Tukoy ni Hare a Agripa iye hide a bagay. Kanya awanák manteng a magupos tu atubang na dipo tukoy na iye hide a bagay. Awan ti nangyare a awan mu tukoy dipo awan iye nangyare ti essa a tagu a lugar.

Gimet 28:31

Mabegsák u isip na sakay malaya siya a nangaral tungkul tu pághare nu Diyos sakay tungkul tu Panginoon Jesu-Cristo.

Gimet 4:13

Nagtaka u buo a Sanedrin tu begsák isip a impeta di Pedro sakay ti Juan, lalu dán nikuna naihupaan de a awan bál hide nakapagadal. Naihupaan dila be a hide u kakaguman ni Jesus tu itod.

Gimet 4:21

Pero mahigpit di pa hide a binawalan a mangaral sakay káttapos ay pinalaya di dán hide. Maski ni gusto di nakwa a pahirapan u duwwa ay awan de iye nagimet dipo manteng hide tu tolay hide. Dipo u tolay hide ay magpure tu Diyos dipo tu nangyare a himala.

Gimet 4:31

Káttapos de a magdasal ay nayanág u pamággipun-ipunan de a bilay. Atanan de ay naputat tu Banal a Ispirito sakay buung tapang a nangaral tu Upos nu Diyos.

Gimet 9:27

Pero kinuyog siya ni Bernabe, sakay inyangay na tu apostol hide. Impaliwanag na nide ni kodya pimmeta u Panginoon ni Saulo sakay nákpágguhon nikuna tu dilan. Kinagi na be ni kodya siya a nagtoldu ti Damasco a awan ti ánteng tungkul ni Jesus.

Gimet 9:28

Kaya sapul hod ay imbilang di dán ti Saulo a kakagumanan de ti Jerusalem, sakay awan siya ti ánteng a nagtoldu ti lugaran itod tungkul tu Panginoon.

1 Corinto 14:13

Kaya ngane dapat a ipagdasal nu magupos ti iba-iba a upos a atádden be siya ti kaluub a makapángpaliwanag ti iye.

2 Corinto 3:12

Dipo ti pag-asa miyan iye, ay mabegsák u pággisipan me a ibaheta u upos nu Diyos.

Filipos 1:14

Sakay kákpalan tu mánnampalataya hide ay lalo pa a timmatag u pánniwala de tu Panginoon dipo tu kákkepireso ko, sakay bimmegsák u isip de sakay awan ti ánteng a nagbaheta tu Upos nu Diyos.

1 Tesalonica 2:2

Tukoy moy be a pináppasakitan di kame sakay ináinsulto ti Filipos, pero maski ni makpal a hadlang ay inatádden kami pade nu Diyos ti begsák isip a ipakapospos nikam u Maganda a Baheta a gabwat nikuna.

2 Timoteo 4:17

Pero awanák pinabayan nu Diyos, inataddinák na ti begsak isip tánni mepakapospos ko tu Hentil hide a mágsaneg tu upos na. Kaya naligtasák tu hatul nu kamatayan.