Gimet 4:27 - U Maganda A Baheta Ni Jesu-Cristo

²⁷ Natupad ngani iye nikuna a nagkaessa di Herodes ay ti Poncio a Pilato, kaguman u Hentil hide sakay u buo a Israel. Nagkaessa hide kontara ni Jesus a banal a pinile mo a tagapagserbi.

Gimet 4:27 ပူးပေါင်းရင်းမြစ်များ

Mateo 14:1

Nadid, tu panahun a itona ay nabaheta ni Hari Herodes Antipas a puno nu lugar a Galilea u ginimet ni Jesus.

Mateo 14:3

Dipo ti Herodes u nángpepireso sakay nangpabuno ni Juan bilang pabor na tu kabanga na a ti Herodias. Ti Herodias ay dati a kabanga nu kapatkákka ni Herodes a ti Felipe.

Mateo 14:6

Pero nikuna nagkasayaan hide tu kákkeenak ni Herodes ay nagpalabas ti sayaw u anak a madiket ni Herodias. Nasayaan a tahod ti Herodes tu palabas.

Mateo 21:28

Nadid kinagi ni Jesus “Anya u palagay moy he? Te essa a tolay a te duwwa a anak a lállake. Ummadeni siya tu panganay sakay kinagi na, ‘Anak, angay ka magtrabaho tu ubasan nadid a aldew.’

Mateo 23:37

Kinagi pa ni Jesus, “Jerusalem, Jerusalem! Pinabuno mo u propeta hide sakay bábbudasán moy u pinaangay nu Diyos nikam! Sangan a beses ko a sinikap a alagaan u mágyan niko, konna tu paglákáp nu essa a inahin tu sepsep na hide pero inadiyán mo.

Mateo 27:2

Káttapos ay pinungo de siya sakay inyangay de ni Gobernador Pilato.

Markos 10:33

“Paangay kitamon ti Jerusalem, sakay hikán a Anak nu Tolay ay itokyon de tu mataas hide a Saserdote sakay tu tagapagtoldu hide ti Kautusan. Sakay hatulanák de ti kamatayan sakay iyatáddák de tu bakán hide a Judio.

Markos 15:31

Konna bi hod u pángdusta nikuna nu puno hide nu Saserdote hide sakay tu tagapagtoldu hide tu Kautusan. Kinagi de tu balang essa, “Inligtas na u agum, pero awan na meligtas u sadile na!

Lukas 1:35

Timmábbeg u anghel, “Angay niko u Banal a Ispirito sakay lenduman ka nu kapángyariyan nu Diyos. Dipo ti iye, u iyenak mo ay banal sakay dulawán siya a Anak nu Diyos.

Lukas 22:63

Nadid, sinásseste sakay binábbálbág nu magbantay hide ti Jesus.

Lukas 23:1

Nadid, káttapos hod ay timmaknág hide a atanan sakay inyangay de ti Jesus tu kán Pilato.

Lukas 4:18

“Katoy nikán u Ispirito nu Panginoon, dipo hikán u pinile na a mángpakapospos tu Maganda a Baheta tu mágkahirap hide a tolay. Inutusanák na para ikagi tu pireso hide a malaya dán hide, sakay konna bi hod, u buhák hide ay maketa dán. Inutusanák na para palayaán u áapi-apiyán hide,

Lukas 9:22

Kinagi na pa nide, “Magtiis pa ti dakál a hirap u Anak nu Tolay. Itakwil siya nu puno nu Judio hide, u puno nu saserdote hide sakay u maisto hide nu Kautusan. Ipabuno di siya pero biyagán siya a huway nu Diyos tu katállo a aldew.”

Juan 1:11

Immangay siya tu sadile na a banuwan, pero awan siya tinanggap nu kalugaran na hide.

Juan 10:36

bakin moy a kagiyán a lapastanganán ko u Diyos dipo tu kinagi ko a hikán ay Anak nu Diyos? Piniliyák nu Ama sakay pinaangayák na he ti munduwáy.

Juan 18:28

Gábwat tu kán Caifas ay inyangay de ti Jesus tu páppágyanan nu gubernador. Magamulaldew dán ti itod. Awan simmáddáp u Judio hide tu páppágyanan nu gubernador dipo ayun tu Kautusan de, u sumáddáp tu bilay nu essa a bakán a Judio ay mebilang a madangat kanya awan maare a kuman. Tu pangapon tu pággala-ala tu kasayaan tu Págtaleb nu Anghel.

Juan 18:29

Kanya ti Pilato a gubernador ay limmuwas sakay kinagi na, “Ánya i mebintang moyay ti tolayan iye?”

Juan 19:34

Pero u essa a sundalo ay pinika na u hawes ni Jesus tu gayang, sakay bigla a nagbulos u dige ay tu dinom.

Gimet 10:38

Tukoy moy ti Jesus a taga-Nazaret, siya u nángkaluuban nu Diyos tu Banal a Ispirito sakay kapangyariyan bilang patunay a siya u napile. Katoy nikuna u Diyos kanya maski hádya i angayan naay ay maggimet siya ti maganda sakay palayaán na u páppahirapan hide nu diyablo.

Gimet 2:27

Dipo tukoy ko a awan mo pabayan u kaliduwwa ko tu lugar nu kaliduwwa nu nágkatay dán hide. Awan mo be pabayan a mahunot u banal mo a tagapagserbi.

Gimet 4:30

Payagen mu dán tu pamamag-itan nu kapangyariyan ni Jesus a banal mo a tagapagserbi a mapapiyya me u te saket hide sakay makagimet kame ti himala sakay makataka-taka a bagay.”

Hebreo 7:26

Ti Jesus, u kailangan tam a pinakapuno a saserdote. Dipo banal siya sakay awan ti kapintasan, awan ti kasalanan sakay hiwalay tu makasalanan hide, sakay kataasan ti langet.