Gimet 4:19 - U Maganda A Baheta Ni Jesu-Cristo

¹⁹ Pero timmábbeg ti Pedro sakay ti Juan, “Hikamon i manghatulay ni ánya u tama sakay ni ánya u maganda tu atubang nu Diyos; sunudán mikam beman oni sunudán me u Diyos?

Gimet 4:19 ပူးပေါင်းရင်းမြစ်များ

Mateo 22:21

“Kan hare a Cesar,” tábbeg de. Sakay kinagi na nide, “Ni konna hod, iyatád moy ni hare a Cesar u para ni hare a Cesar sakay tu Diyos u para tu Diyos.”

Lukas 22:8

Inutusan ni Jesus ti Pedro sakay ti Juan, kinagi na, “Kammoy dán, maghanda kam ti pangapon tam para tu Aldew nu Págtaleb.”

Juan 7:24

Diyan kam maghusga a ayun la tu ketan moy, nan adalán moy ti mapiyya bagu kam a maghusga, para matukuyan moy u tama.”

Gimet 4:13

Nagtaka u buo a Sanedrin tu begsák isip a impeta di Pedro sakay ti Juan, lalu dán nikuna naihupaan de a awan bál hide nakapagadal. Naihupaan dila be a hide u kakaguman ni Jesus tu itod.

Gimet 5:28

Kinagi na, “Awan beman binawalan mikam a mangaral tu ngahan ni Jesus? Pero ilingán moy ginimet moye! Kimmalat dán tu intero a Jerusalem i itáttoldu moye, sakay gusto moy kami pa a pakasalananán tu kákkatay ni tolayan itod!”

Gimet 5:29

Pero timmábbeg ti Pedro sakay u agum hide a apostol, “U Diyos u dapat me a sunudán, bakán a u tolay.

1 Corinto 10:15

Kagiyán ko iye nikam bilang essa a tolay a makaintende, hikamon u bahala a mangisip ni u kákkagiyán ko ay tama oni male.

2 Corinto 4:2

Inadággen midán u gimet me hide a makasani-sanike sakay gággimitán ti tagu. Awan kame mángloko sakay awan me dag-dagen oni palitan u upos nu Diyos. Nan hayagan me a impangaral u tatahoden sakay iye ay tukoy nu Diyos. Kaya handa kame a pahatul maskin deya.

Efeso 6:1

Nadid, hikam a anak hide, sunudán moy u dáddakál moy hide, dipo iye u nerarapat a gimitán nu mánnampalataya hide tu Panginoon.

1 Timoteo 2:3

Iye u maganda sakay makasaya tu Diyos a Tagapagligtas tam.

Hebreo 11:23

Dipo tu pánnampalataya ay awan nanteng a summuway u dáddakál ni Moises tu utus nu hare; nikuna ketan de a maganda u pámmamággi nu anak, kaya intagu di siya tu alay nu tállo a bulan.

Santiagu 2:4

awan beman u asikasuwán moy la ti maayus ay u mágkayaman hide, sakay u mágkahirap hide ay api-apiyán moy la? Awan tama u pághatul moy dipo makasadile ina.