Gimet 4:17 - U Maganda A Baheta Ni Jesu-Cristo

¹⁷ Para awan dán kumalat u pángngaral de tu tolay hide ay kagiyan tam hide a diyan dán hide magtoldu tungkul ni Jesus.”

Gimet 4:17 ပူးပေါင်းရင်းမြစ်များ

Mateo 27:64

Pabantayan mo ped ti husto u lábbang hanggan tu katállo a aldew. Makay umangay u disepulus na hide sakay takawan de u bangkay. Sakay kagiyan de tu tolay hide a siya ay huway a nabiyag. Mahirap dán makay u panlinlang an iye ay magin mas madukás pa nan tu dipalongo.”

Mateo 9:30

Tapos ay bigla hide a naketa. Sakay mahigpit hide a pinagbilinan ni Jesus a “Dyan moy ikákkagi iye maski ni ti deya man.”

Juan 15:21

Dustaán dikam dipo maniwala kam nikán sakay dipo awan de tukoy u nangpaangay he nikán.

Gimet 4:21

Pero mahigpit di pa hide a binawalan a mangaral sakay káttapos ay pinalaya di dán hide. Maski ni gusto di nakwa a pahirapan u duwwa ay awan de iye nagimet dipo manteng hide tu tolay hide. Dipo u tolay hide ay magpure tu Diyos dipo tu nangyare a himala.

Gimet 5:24

Nadid tunay u balisa nu puno nu saserdote hide sakay u kapitan nu guwardiya hide tu templo nikuna mabaheta de iye, sakay awan de sukat a maisip ni ánya u nangyare tu apostol hide.

Gimet 5:28

Kinagi na, “Awan beman binawalan mikam a mangaral tu ngahan ni Jesus? Pero ilingán moy ginimet moye! Kimmalat dán tu intero a Jerusalem i itáttoldu moye, sakay gusto moy kami pa a pakasalananán tu kákkatay ni tolayan itod!”

Efeso 6:9

Sakay hikam a amo hide, mákpággagum kam ti maganda tu alipin hide. Dyan moy hide pakantingán, dipo tukoy moy a pareho kam la a alipin nu eessa a Panginoon a katoy ti langet sakay pantay u pangileng na tu balang essa.

1 Tesalonica 1:8

Dipo tu maganda a halimbawa moy ay kimmalat u upos nu Panginoon ti Macedonia sakay ti Acaya. Maske u pánnampalataya moy tu Diyos ay nebaheta be tu atanan a lugar. Kanya ngani awan dán kailangan a magupos kame tungkul nikam.

1 Pedro 2:23

Awan siya gummante nikuna a dustaán siya, sakay awan siya ti kákkagi nikuna a pahirapan de nan impabahala na u atanan tu Diyos dipo u Diyos la u tapat a huwes.