Gimet 3:26 - U Maganda A Baheta Ni Jesu-Cristo

²⁶ Kanya pinaangay he nu Diyos u pinili na a Tagapagserbi, dipalongo nikitam a Judio para pagpalaán na kitam sakay tulungan na kitam a umadág tu madukás tam a kákkabiyag.”

Gimet 3:26 ပူးပေါင်းရင်းမြစ်များ

Mateo 1:21

Magenak siya ti essa a lállake, u ingahan mo nikuna ay Jesus dipo siya u mángligtas tu tolay na hide tu kaparusaan nu kasalanan de.”

Mateo 15:24

Kanya kinagiyan na u bábbey “Inutusanák nu ama ko para la tu netawtaw a tupa a Israelita hide, bakán a tu awan Israelita.”

Lukas 24:47

Tu pamamag-itan nu ngahan na, u págsise sakay kapatawadan nu kasalanan ay dapat a ipangaral tu atanan a bansa, sapul ti Jerusalem.

Juan 4:22

Hikam a Samaritano hide ay awan moy tukoy u sambaan moy. Pero tukoy me a Judio hide u sambaán me, dipo gábwat tu lahe a Judio u kaligtasan.

Gimet 1:8

Pero ni kátna dán nikam u Banal a Ispirito ay magkahod kam ti kapangyariyan a mangpatunay tungkul nikán ti Jerusalem, tu buo a Judea, ti Samaria, sakay hanggan tu kasuluk-sulukan ni munduway.”

Gimet 13:26

Kinagi pa ni Pablo, “Kákkapatkákka ko hide a gábwat tu lahe ni Abraham, sakay hikam a Hentil a tehhod a anteng tu Diyos. Sanigánnák moy, hikitam u nángpatawidan nu Diyos tu Maganda a Baheta tungkul tu kaligtasan.

Gimet 2:24

Pero nadid ay biniyag siya a huway nu Diyos sakay inibutan na u kapangyariyan nu kamatayan nikuna dipo awan maare a maghare nikuna u kamatayan.

Gimet 2:32

Iye ay ti Jesus a biniyag nu Diyos a huway, napatunayan me a nabiyag siya a huway dipo netan me.

Gimet 26:20

U purumero ko a nangaralan ay ti Damasco, káttapos ay ti Jerusalem sakay tu buu a Judea hanggan tu Hentil hide. Inpangaral ko a kailangan hide a magsise sakay magpasakup tu Diyos sakay ipeta de tu gimet de a nagsise dán hide.

Gimet 3:13

U Diyos di Abraham, Isaac sakay ti Jacob, u Diyos nu nunu tam hide, u nangatád tu pinakamataas a karangalan tu tagapagserbi na a ti Jesus. Pero inyangay moy siya tu te kapangyariyan sakay intakwil tu atubang ni Pilato maski ni gusto na siya a palayaan.

Gimet 3:15

Binuno moy u naggábwatan nu biyag, pero biniyag siya a huway nu Diyos. Hikame u makapagpatunay a nabiyag siya a huway.

Gimet 3:20

tánni matanggap moy u bigu a begsák a gábwat tu Panginoon. Káttapos ay paangayán na he a huway ti Jesus, u Cristo a intakda na a mángligtas nikam.

Gimet 3:22

Konna tu kinagi ni Moises, ‘U Panginoon a Diyos tam ay mangpile ti essa a prupeta a kapareho ko, a gábwat labe nikam. Kailangan sunudán moy atanan a kagiyán na nikam.

Gimet 3:25

U impananto hide nu Diyos a kinagi nu prupeta na hide ay para nikam a Judio hide, sakay kaguman kam tu kasunduwan a ginimet nu Diyos tu ninuno tam hide, dipo kinagi na ni Abraham, ‘Pagpalaán ko u atanan a tolay ti munduwáy tu pamamag-itan nu essa a tolay a maggábwat tu lahe mo.’

Roma 1:16

Awanák masanike a mángbaheta tu Maganda a Baheta tungkul ni Cristo, dipo sa iye u kapangyariyan nu Diyos tánni maligtas u atanan a mánnampalataya, dipalongo tu Judio hide sakay tu Griego hide.

Roma 15:29

Maniwalaák a káddemát ko hina nikam, ay tawed ko u makpal a págpapala para nikam a gábwat ni Cristo.

Roma 15:8

Dipo kagiyán ko nikam a pinaangay nu Diyos ti Cristo ti lutaáy para magserbi tu Judio hide sakay para mepeta na a tapat u Diyos tu pángtupad na tu pananto na hide tu ninuno de hide.

Efeso 1:3

Magpasalamat kitam tu Diyos sakay Ama nu Panginoon tam a ti Jesu-Cristo! Impagkaluub na nikitam u atanan a págpapala a ikapiya tam a gábwat ti langet dipo tu pákpagkaessa tam ni Cristo.

1 Pedro 1:3

Magpasalamat kitam a pirme tu Diyos a Ama nu Panginoon tam a ti Jesu-Cristo. Dipo tu tunay a kadakál a kagbi na nikitam, kanya inatádden na kitam ti bigu a biyag, tu pamamag-itan nu kákkabiyag a huway ni Jesu-Cristo. Iye u nangatád nikitam ti biyag a pag-asa.

1 Pedro 3:9

Diyan moy gantiyan ti madukás u maggimet nikam ti madukás. Diyan moy sumpaán u mangsumpa hide nikam. Nan ipagdasal moy a pagpalaán hide nu Diyos dipo konna hod u gusto nu Diyos a gimitán moy.

Judas 1:24

Puriyán tam nadid u kaessa-essa a Diyos tam a Tagapagligtas! Siya u mangtáttawed nikitam tánni awan kitam magkasala sakay siya u makapáng-adene nikitam tu atubang na a awan ti kapintasan sakay makapangatád ti kasayaan.