Gimet 3:25 - U Maganda A Baheta Ni Jesu-Cristo

²⁵ U impananto hide nu Diyos a kinagi nu prupeta na hide ay para nikam a Judio hide, sakay kaguman kam tu kasunduwan a ginimet nu Diyos tu ninuno tam hide, dipo kinagi na ni Abraham, ‘Pagpalaán ko u atanan a tolay ti munduwáy tu pamamag-itan nu essa a tolay a maggábwat tu lahe mo.’

Gimet 3:25 ပူးပေါင်းရင်းမြစ်များ

Lukas 1:72

Nagpananto bi siya a kagbiyan na u nuno tam hide, sakay awan na kalimunan u kasunduwan de a banal.

Gimet 13:26

Kinagi pa ni Pablo, “Kákkapatkákka ko hide a gábwat tu lahe ni Abraham, sakay hikam a Hentil a tehhod a anteng tu Diyos. Sanigánnák moy, hikitam u nángpatawidan nu Diyos tu Maganda a Baheta tungkul tu kaligtasan.

Gimet 2:39

Dipo iye a pananto nu Diyos ay para nikam sakay tu kaapu-apuwan moy hide, sakay para tu atanan a tolay a katoy ti adeyo, tu balang essa a dulawán nu Panginoon a Diyos.”

Roma 15:8

Dipo kagiyán ko nikam a pinaangay nu Diyos ti Cristo ti lutaáy para magserbi tu Judio hide sakay para mepeta na a tapat u Diyos tu pángtupad na tu pananto na hide tu ninuno de hide.

Roma 4:13

Impananto nu Diyos ni Abraham sakay tu lahe na hide a hide u mangmana ti munduway. U pananto a iye ay inyatád nu Diyos ni Abraham bakán a dipo tu kássunud na tu Kautusan, nan dipo inbilang siya nu Diyos a matuwid tu pamamag-itan nu pánnampalataya na.

Galacia 3:16

U Diyos ay nagpananto ni Abraham, sakay tu apu na. Awan nesulat tu Kasulatan a, “Tu apo mo hide,” a u gusto na a kagiyan ay makpal a apo. Nan u nakasulat ay, “Essa tu apo mo hide,” a u gusto na a kagiyan ay eessa la a apo, awan ti agum nan ti Cristo.

Galacia 3:29

Ni sakup kamon ni Cristo ay lahe kamon ni Abraham sakay tagamana tu inpananto nu Diyos nikuna.

Galacia 3:8

Bagu pa iye a nangyare ay kinagi dán nu kasulatan a ituring nu Diyos a matuwid u Hentil hide tu pamamag-itan nu pánnampalataya de nikuna, sakay iye a Maganda a Baheta ay inpakapospos na ni Abraham, “Tu pamamag-itan mo ay pagpalaán nu Diyos u atanan a bansa.”

Pahayag 14:6

Nadid, naketaák damman ti essa a anghel a magegbáh tu panganurin. Tatawed na u awan ti katapusan a Maganda a Baheta tánni ibaheta tu tolay hide ti munduway: tu bawat bansa, tu bawat lahe, tu bawat upos, sakay tu bawat banuwan.

Pahayag 5:9

Sakay mágkansiyon hide ti bigu a kansiyon, “Hiko u karapat-dapat a mangalap tu kasulatan a nalukot. Sakay mangibut tu selyo na hide. Dipo nabuno ka sakay tu pamamag-itan nu digi mo, ay tinubus mo para tu Diyos u atanan a tolay, gábwat tu kada lahe, upos, banuwan, sakay bansa.

Pahayag 7:9

Káttapos ni iye ay netan ko u tunay ti kakpal a tolay a maskin deya ay awan ti makabilang! Gábwat hide tu bawat bansa, lahe, banuwan, sakay bawat upos. Mágtaknág hide tu atubang nu trono sakay nu Tupa, a nakabadu ti mapudew sakay te táttawed a palaspas.