Gimet 3:21 - U Maganda A Baheta Ni Jesu-Cristo

²¹ Pero kailangan a mágyan pa ti Jesus ti langet hanggan dumemát u panahun a baguwán nu Diyos u atanan a bagay. Itona be u kinagi nu Diyos tu itod tu pamamag-itan nu banal na hide a prupeta.

Gimet 3:21 ပူးပေါင်းရင်းမြစ်များ

Lukas 1:70

Iye ay sigun tu inpananto na tu itod pa tu pamamag-itan nu prupeta na hide a malinis,

Gimet 1:11

Kinagi de, “Hikam a taga-Galilea hide, bakin katoy kam pa he a umáeleng ti langet? Ti Jesus a netan moy a immangay ti langet ay sole siya a konna tu netan moy a káangay na ti langet.”

Gimet 10:43

Siya u kákkagiyán nu prupeta hide nikuna ipahayag de a, ‘Ni deya man u maniwala nikuna ay patawadán na u kasalanan de tu pamamagitan nu ngahan na.’”

Gimet 3:19

Kanya nadid ay magsisi kamon sakay umadene tu Diyos, tánni patawadán na u kasalanan moy hide,

Gimet 3:20

tánni matanggap moy u bigu a begsák a gábwat tu Panginoon. Káttapos ay paangayán na he a huway ti Jesus, u Cristo a intakda na a mángligtas nikam.

Roma 8:21

Dipo dumemát u aldew a baguwán nu Diyos u atanan a bagay para awan ti mahunot sakay mesale hide tu maluwalhate a kalayaan nu anak hide nu Diyos.

Hebreo 1:1

Tu itod a panahun ay nákpágguhon u Diyos tu ninuno tam hide tu iba-iba a pagkakataun sakay iba-iba a paraan tu pamamag-itan nu prupeta hide.

2 Pedro 1:21

Dipo u hula nu prupeta hide ay bakán a gábwat tu isip nu tolay, nan tu Diyos. Pero tu tulung nu Banal a Ispirito ay impakapospos de u kinagi hide nu Diyos.

2 Pedro 3:2

U gusto ko ay lagi a sumariwa tu isip moy u upos nu prupeta hide nu Diyos tu itod, sakay u utus a inyatád nu Panginoon sakay Tagapagligtas tu pamamag-itan nu apostol hide, a pinaangay na hina nikam.

Pahayag 18:20

Magsaya ka langet, tu nangyare nikuna! Magsaya kam, atanan a pinile, apostol hide, sakay prupeta hide! Dipo hinatulan dán siya nu Diyos tu ginimet na nikam!

Pahayag 22:6

Sakay kinagi nikán nu anghel, “Maasaan sakay tatahoden iye hide a upos. U Panginoon a Diyos, a nángkaluub tu Ispirito na tu prupeta hide, u nangutus tu anghel na a ipakapospos tu tagapagserbi na hide u bagay hide a adene dán a mangyare.”