Gimet 3:17 - U Maganda A Baheta Ni Jesu-Cristo

¹⁷ Kanya nadid kákkapatkákka ko hide, tukoy ko a nagimet moy sakay tu pinuno moy hide i bagayan itod hide ni Jesus dipo awan moy tukoy ni tideya siya.

Gimet 3:17 ပူးပေါင်းရင်းမြစ်များ

Lukas 23:13

Inpadulaw ni Pilato u puno nu saserdote hide, u ama-amaan hide nu banuwan sakay u tolay hide.

Lukas 23:34

Kinagi ni Jesus, “Ama, patawadán mo hide dipo awan de tukoy u gággagamitán de.” Sakay namágbunutan u sundalo hide tánni matukuyan de ni hadya tu damit ni Jesus u meangay tu bawat essa nide.

Juan 15:21

Dustaán dikam dipo maniwala kam nikán sakay dipo awan de tukoy u nangpaangay he nikán.

Juan 16:3

Gimitán de i iye hide a bagay dipo awanák de kilala sakay awan di be kilala u Ama.

Juan 7:52

Tinábbeg de ti Nicodemo, “Taga-Galilea ka beman be? Adalán mo u Kasulatan, para ketan mo a awan ti propeta a maggábwat ti Galilea.”

Gimet 13:27

Awan tinengge nu taga-Jerusalem hide sakay u puno de hide a ti Cristo u Tagapagligtas. Maski u Kasulatan a hula nu prupeta hide a bábbasaán de kada Aldew nu Káimang nu Judio hide ay awan de naintendiyan. Hide pa u nángpatupad ti hulaan itod nikuna hatulan de ti kamatayan ti Jesus.

Gimet 22:5

Makapagpatunay tungkul ti iye u pinakapuno nu saserdote hide sakay u buo a gurupo nu pinuno hide. Inatáddinák di pa ti sulat para tu Judio hide ti Damasco, kanya immangayák hod para dakáppán u kaguman ti tolduwan iye hide tungkul ni Cristo sakay iyangay he ti Jerusalemáy para parusaan.”

Gimet 26:9

Akala ko be tu itod ay kailangan ko a gimitán u atanan a makaya ko kontara tu ngahan ni Jesus a taga-Nazaret.

Gimet 28:21

Kinagi di nikuna, “Awan kame ti natanggap a sulat a gábwat ti Judea tungkul niko, sakay tu kalugaran tam hide a immangay he ay awan ti nagbaheta oni nagupos ti maskin ányaman a kontara niko.

Gimet 7:40

Sakay kinagi de ni Aaron, ‘Panggimet mo kame ti diyos a mángdipalongo nikame, dipo awan me tukoy ni nangánya dán i Moises san itod a nángluwas nikame ti Egipto.’

Roma 11:2

Awan inadiyan nu Diyos u tolay hide a sapul pa tu sapul ay pinile na dán. Awan moy beman tukoy u kinagi na tu Kasulatan tungkul ni Propeta Elias? Dinumaing siya tu Diyos dipo tu gággimitán nu Israelita hide.

1 Corinto 2:8

Essa man tu tagapamahala hide ti panahunáy nadid ay awan ti nakaintendi ti iye a lihim. Dipo ni naintendiyan di iye, ay awan di nakwa inpako tu kudus u Panginoon tam a makapangyariyan.

2 Corinto 3:14

U tatahoden, awan naintendiyan nu Israelita hide u kahulugan ni iye tu itod dipo mágkaigát u ulu de a kumán a te tumáttakáp tu isip de. Sakay hanggan nadid ay awan di palla naintediyan iye kada basaán de u date a kasunduwan dipo te tumáttakáp palla tu isip de. Sakay mawan la i takáppan ina, ni nákpágkaessa u essa a tolay ni Cristo.

Efeso 4:18

Sakay awan hide ti pang-intendi. Dipo awan hide ti tukoy sakay mágkaigát u ulo de, awan hide ti bahagi tu biyag a impagkaluub nu Diyos.

Filipos 1:22

Pero ni magtulos-tulusák padi a mabiyag, ay maganda bi iye dipo makagimiták palla ti mágkaganda a bagay. Awan ko tukoy ni hádya i piliyán kuwáy.

1 Timoteo 1:13

Maski tu itod ay pinagupusan ko ti madukás u ngahan na sakay pináppahirapan ko siya ay kinagbiyanák padi nu Diyos dipo awan ko tukoy u gagamitán ko nikuna awanák palla ti pánnampalataya nikuna.