Gimet 28:31 - U Maganda A Baheta Ni Jesu-Cristo

³¹ Mabegsák u isip na sakay malaya siya a nangaral tungkul tu pághare nu Diyos sakay tungkul tu Panginoon Jesu-Cristo.

Gimet 28:31 ပူးပေါင်းရင်းမြစ်များ

Mateo 4:23

Nadid immangay ti Jesus tu atanan a banuwan ti Galilea sakay nagtoldu tu sinagoga de hide. Intáttoldu na u Maganda a Baheta tungkol tu pághare nu Diyos. Sakay pinagpiyya na be u atanan a sakisaket nu tolay hide.

Markos 1:14

Nikuna a nepireso ti Juan ay immangay ti Jesus ti Galilea sakay nagtoldu hod siya tu Maganda a Baheta a gábwat tu Diyos.

Lukas 8:1

Nadid, káttapos ni itod ay linebut ni Jesus u banu-banuwan sakay u babaryo hide. Impangaral na u Maganda a Baheta tungkul tu pághare nu Diyos. Kaguman na u sapulo ay ti duwwa a disepulus na,

Gimet 20:25

Nákpággagumák nikam mentaras a mangaralák tu pághare nu Diyos. Nadid, tukoy ko a awanák moy dán ketan a huway.

Gimet 23:11

Ti gibi labiyan itod ay pimmeta u Panginoon ni Pablo sakay kinagi na nikuna, “Begsákkan mo isip muwe! Nagpatunay ka tungkul nikán ti Jerusalemáy; konna be hina u gimitán mo ti Roma.”

Gimet 28:23

Kanya nagtakda hide ti essa a aldew, sakay makpal u immangay tu páppágyanan ni Pablo káddemát ni itod a aldew. Saldew siya a nagpaliwanag nide sakay nángpatunay tungkul tu pághare nu Diyos. Tu pamamag-itan nu Kautusan ni Moises sakay u insulat nu prupeta hide ay ginimet na u atanan a makaya na tán maakit na hide a sumampalataya ni Jesus.

Gimet 28:30

Sakay duwwa a taon ti Pablo a nágyan tu nákkaseruwan na sakay tinanggap na ti mahusay atanan a tolay a umadene nikuna.

Gimet 4:29

Sakay nadid Panginoon, ay pagisipan de kame ti madukás. Tulungan mo u tagapagserbi mo hide a mepangaral me ti buung tapang u Upos mo.

Gimet 4:31

Káttapos de a magdasal ay nayanág u pamággipun-ipunan de a bilay. Atanan de ay naputat tu Banal a Ispirito sakay buung tapang a nangaral tu Upos nu Diyos.

Gimet 5:42

Kanya kada aldew ay angay hide tu templo sakay tu iba-iba a bilay sakay hed hod hide a mangaral tungkul ni Jesus, a siya u Cristo.

Gimet 8:12

Pero nikuna impangaral ni Felipe u Maganda a Baheta tungkul tu pághare nu Diyos sakay tungkul ni Jesus-Cristo ay summampalataya sakay nagpabawtismo u lállake hide sakay u bábbey hide.

Filipos 1:14

Sakay kákpalan tu mánnampalataya hide ay lalo pa a timmatag u pánniwala de tu Panginoon dipo tu kákkepireso ko, sakay bimmegsák u isip de sakay awan ti ánteng a nagbaheta tu Upos nu Diyos.

2 Timoteo 2:9

u dahilan nu pághirap ko hanggan a nepire-piresuwan ko a konna tu mágbabono a tolay. Pero u upos nu Diyos ay awan mepireso.

2 Timoteo 4:17

Pero awanák pinabayan nu Diyos, inataddinák na ti begsak isip tánni mepakapospos ko tu Hentil hide a mágsaneg tu upos na. Kaya naligtasák tu hatul nu kamatayan.