Gimet 28:30 - U Maganda A Baheta Ni Jesu-Cristo

³⁰ Sakay duwwa a taon ti Pablo a nágyan tu nákkaseruwan na sakay tinanggap na ti mahusay atanan a tolay a umadene nikuna.

Gimet 28:30 ပူးပေါင်းရင်းမြစ်များ

Juan 1:39

Kinagi nide ni Jesus, “Mákkuyog kam tán ketan moy.” Kanya nákkuyog u duwwa kaya netan de u páppágyanan na. Magalas kuwatro dán ti itod a apon, kanya hod dán hod hide a nagpalipas ti gibi.

Gimet 19:21

Káttapos ni itod a pangyayare, tu tulung nu Banal a Ispirito ay naisip ni Pablo a humoyot ti Macedonia sakay Acaya bagu a angay ti Jerusalem sakay kinagi na, “Kailangan ko be a angay ti Roma, kággábwat ko ti Jerusalem.”

Gimet 24:27

Pero kállipas nu duwwa a taon ay pinalitan ni Porcio Festo ti Felix bilang gobernador. Dipo tu soh ni Felix a magustuwan siya nu Judio hide ay pinabayan na ti Pablo a pumáppireso.

Gimet 28:16

Káddemát me ti Roma ay pinakultadan de ti Pablo a mangupa ti sadile na a págyanan, pero kaguman na u essa a sundalo a mágbantay nikuna.

Gimet 28:29

Káttapos iye a kagiyán ni Pablo ay naglakaden u Judio hide a mágdadibatiyán hide ti mahigpit.

Gimet 28:31

Mabegsák u isip na sakay malaya siya a nangaral tungkul tu pághare nu Diyos sakay tungkul tu Panginoon Jesu-Cristo.

Roma 15:32

Tánni konna hod, masayaák a makademát hina nikam ni kaluuben nu Diyos, sakay makaimang hina nikam.

2 Corinto 11:23

Tukoy ko a kumánnák dán a essa a magaheng, pero ni kagiyán de a tagapagserbi hide ni Cristo, mas malalakeyák a tagapagserbi ni Cristo nan hide. Susubra u págpagud ko nan hide; sangan a besesák a nepireso, nabálbág sakay pirme a te áng-áng ti kamatayan.

2 Corinto 6:5

Binálbág di kame, impireso, sakay ginulo kame nu katolayan. Nadanas me a magtrabaho ti husto, awan mátdug ti magdamag sakay awan kuman ti sangan a aldew.

Filipos 1:13

Dipo natukuyan nu atanan a guwardiya tu palasyo sakay tu agum pa hide a katoy he, a nepiresuwák dipo tu kássunud ko ni Cristo.

2 Timoteo 1:17

U tatahoden, tu káddemát na ti Roma ay piliták na a inehyok hanggan a netanak na.

2 Timoteo 4:2

ipangaral mo u upos nu Diyos maski ánya a pagkakataun. Akitán mo u tolay hide, pagkagiyan sakay pabegsákkán u isip de tu pamamag-itan nu matiyaga mo a págtoldu nide.