Gimet 28:17 - U Maganda A Baheta Ni Jesu-Cristo

¹⁷ Kállipas nu tállo a aldew ay impadulaw ni Pablo u puno nu Judio hide ti Roma. Nikuna namagkatipun dán hide ay kinagi na, “Kákkapatkákka ko hide, maskin awanák ti nagimet a kasalanan kontara tu banuwan tam oni tu patakaran nu nunu tam hide ay dinakappák de ti Jerusalem sakay inpiresuwák de tu gubiyerno ni Roma.

Gimet 28:17 ပူးပေါင်းရင်းမြစ်များ

Gimet 13:50

Pero sinulsulan nu Judio hide u bábbey hide a igággalang, sakay u lállake hide a pinuno tu banuwan a kalabanán di Pablo sakay ti Bernabe tánni mapalakad di hide ti banuwanan itod.

Gimet 22:5

Makapagpatunay tungkul ti iye u pinakapuno nu saserdote hide sakay u buo a gurupo nu pinuno hide. Inatáddinák di pa ti sulat para tu Judio hide ti Damasco, kanya immangayák hod para dakáppán u kaguman ti tolduwan iye hide tungkul ni Cristo sakay iyangay he ti Jerusalemáy para parusaan.”

Gimet 23:33

Nikuna makademát dán hide ti Cesarea ay inyatád de u sulat tu gobernador sakay inpaubaya de ti Pablo nikuna.

Gimet 25:10

Pero timmábbeg ti Pablo, “Katoyák he a mágtaknág tu atubang nu pághatulan nu hare ti Roma, kanya dapatay ay hedák dán he a litisán. Awanák ti nagimet a kasalanan tu Judio hide, tukoy mo itona.

Gimet 25:2

Immadene nikuna u pinuno nu saserdote hide sakay u pinuno nu Judio hide sakay inyatubang de u reklamo kontara ni Pablo. Nákkekakagbi hide ni Festus

Gimet 25:8

Bilang págtanggul ni Pablo tu sadile na ay kinagi na, “Awanák ti ginimet a labag tu Kautusan nu Judio hide, oni kontara tu templo oni tu hare ti Roma.”

Gimet 6:14

Nasaneg me a kinagi ni Jesus a taga-Nazaret a sidaán na u Templo, sakay palitan na u kaugalian a inpamana nikitam ni Moises.”