Gimet 28:16 - U Maganda A Baheta Ni Jesu-Cristo

¹⁶ Káddemát me ti Roma ay pinakultadan de ti Pablo a mangupa ti sadile na a págyanan, pero kaguman na u essa a sundalo a mágbantay nikuna.

Gimet 28:16 ပူးပေါင်းရင်းမြစ်များ

Gimet 18:2

Nakilala na hod ti Aquila, essa a Judio a taga-Ponto. Káddedemát na la a gábwat ti Italia kaguman u kabanga na a ti Priscila. Lummakad hide hod dipo pinalakad ni emperador a Claudio u atanan a Judio ti Roma. Immangay ti Pablo tu bilay de,

Gimet 19:21

Káttapos ni itod a pangyayare, tu tulung nu Banal a Ispirito ay naisip ni Pablo a humoyot ti Macedonia sakay Acaya bagu a angay ti Jerusalem sakay kinagi na, “Kailangan ko be a angay ti Roma, kággábwat ko ti Jerusalem.”

Gimet 2:10

Tehhod pa nikitam a taga-Frigia sakay Panfilla, Egipto sakay u lugar hide a sakup ni Libia a adene ti Cirene. Katoy bihod u taga-Roma hide u Judio sakay u naakit hide tu rilihiyon de.

Gimet 23:11

Ti gibi labiyan itod ay pimmeta u Panginoon ni Pablo sakay kinagi na nikuna, “Begsákkan mo isip muwe! Nagpatunay ka tungkul nikán ti Jerusalemáy; konna be hina u gimitán mo ti Roma.”

Gimet 24:23

Káttapos ay inyutus na tu kapitan a bantayan ti Pablo, pero diyan de siya higpitan nan payagen dila siya a bisitaán sakay tulungan nu amigu na hide.

Gimet 27:3

Tu kadimadimangan ay dimmung kame ti Sidon. Mabait ti kapitan a Julio ni Pablo; páppayagen na siya a angay bumisita tu amigu na hide tánni makatulung hide tu kailangan na.

Gimet 27:31

Pero kinagi ni Pablo tu kapitan sakay tu sundalo hide, “Ni guminan i tripulante ye hide ay awan kam makaligtas.”

Gimet 27:43

Pero gusto a iligtas nu kapitan nu sundalo hide ti Pablo kanya binawalan na hide. Pinalukso na tu diget u atanan a makanangoy tán makaapet hide tu degdig.

Pahayag 17:18

U bábbey a netan mo ay u tanyag a banuwan a sássunudán nu hare hide ti munduway.”

Pahayag 17:9

Kailangan he u karunungan para maintendiyan u tama, u kahulugen ni iye hide. U pitto a ulo ay u pitto a buked a pággetnudan nu bábbey. U pittuwan itod a buked ay u pitto a hare,