Gimet 28:15 - U Maganda A Baheta Ni Jesu-Cristo

¹⁵ Nikuna a mabaheta nu kákkapátkakka hide ti pánnampalataya ti Roma u tungkul nikame ay immangay hide tu Tindaan de Apio, sakay u agum ay hod tu Tállo a bilay a áupaan tanni tagbuwan di kame hod. Nikuna ketan ni Pablo u kákkapátkakka hide ay nagpasalamat siya tu Diyos sakay bimmegsák u isip na.

Gimet 28:15 ပူးပေါင်းရင်းမြစ်များ

Juan 12:13

Kanya nangalap hide ti palmera sakay limmuwas hide tu banuwan sakay tinagbu de siya. Pimmákhaw hide, “Puriyán u Diyos! Pagpalaan u pademát tu ngahan nu Panginoon. Puriyán u Hare nu Israel.”

Gimet 1:15

Kállipas nu sangan a aldew, ay namággipun-ipun u essa a datos ay ti bayinte a mánnampalataya. Timmaknág ti Pedro tu atubang de sakay nagupos,

Gimet 10:23

Pinatulos hide ni Pedro sakay hod na dán hide a pinatidug ti gibiyan itod. Tu kadimadimangan ay nákkuyog siya nide, sakay kaguman u sangan a mánnampalataya a taga-Joppa.

Gimet 10:25

Káddemát ni Pedro ay tinagbu siya ni Cornelio sakay limmuhud tu atubang na a simmamba.

Gimet 11:1

Nadid, nabaheta nu apostol hide sakay nu mánnampalataya hide ti buo Judea a naniwala be u Hentil hide tu upos nu Diyos.

Gimet 11:12

Sakay kinagi nikán nu Banal a Ispirito a diyanák magalangan a mákkuyog nide. Nákkuyog be nikán u ánnám a mánnampalataya nikuna immangay kame tu bilay ni Cornelio.

Gimet 12:17

Pero sininyasan na hide a tumahimik, sakay kinagi na nide ni kodya siya a inluwas nu Panginoon tu piresuwan. Sakay inbilin na be a ibaheta di ni Santiago sakay tu agum hide a mánnampalataya u nangyare. Káttapos ay naghektat dán siya a angay ti iba a lugar.

Gimet 21:5

Nikuna a dumemát dán u aldew a kállakad me ay nagtulos-tulos kame dán tu págbiyahe me. Intugán di kame a atanan hanggan tu luwas nu banuwan, kaguman de u kákkabanga de sakay u anak de hide. Káddemát me tu bihebi nu diget ay limmuhud kame sakay nagdasal.

Gimet 28:14

Tehhod kame hod a netan a kákkapátkákka ti pánnampalataya, inakit dikame a mágyan pala hod ti sasimba. Sapul ti Puteoli ay nagtulos kame dán ti Roma.

Roma 15:24

asaan ko a mamágketa-keta kitam nadid. Tamuwák hina káangay ko ti Ispanya. Sakay tukoy ko a magin masayaák tu pamagketa tam maskin sabadit la a panahun. Asaan ko be a matulunganák moy tu káangay ko ti Ispanya kággábwat ko hina.

2 Corinto 2:14

Pero magpasalamaták tu Diyos dipo siya u mángdipalongo tu págserbi me ni Cristo kaya lagi kame a magtagumpay. Hádya kami man a umangay ay gamitán kame nu Diyos para ipakilala ti Cristo tu tolay hide iye ay mehalimbawa tu kákkalat nu masáppot a ahob.

Galacia 4:14

Pero maskin nahirapan kam ti husto tu págkasakit ko ay tiniisák moy, awanák moy inadiyan nan tinanggapák moy a kumán a anghel nu Diyos. Tinanggapák moy pa ngane a kumán a ti Jesu-Cristo.

1 Tesalonica 3:7

Dipo tu nabaheta me a matibay u pánnampalataya moy ni Cristo, kákkapatkákka, ay nasaya kame maski makpal kame a kabalisaan sakay kahirapan.

Hebreo 13:3

Isipán moy u nágkepireso hide a kumán a kaguman dikam a nakapireso. Sakay tulungan moy u kákkapatkákka a apiyadu a kumán a hikam u magdanas be ti konna hod.