Gimet 27:1 - U Maganda A Baheta Ni Jesu-Cristo

¹ Nikuna a nadisisyonan dán a mággabeng kame patamo ti Italia ay impabahala de ti Pablo sakay u agum hide a pireso tu essa a kapitan nu sundalo hide a u ngahan na ay ti Julio. Siya ay kaguman tu kákkagiyan de a, “Sundalo nu hare ti Roma.”

Gimet 27:1 ပူးပေါင်းရင်းမြစ်များ

Mateo 27:54

Nanteng a tahod u kapitan sakay u sundalo hide a nagbantay ni Jesus nikuna nabati de u linog sakay netan de u atanan a nangyare. “Tahod ngane a siya ay Anak nu Diyos!” kinagi de.

Lukas 23:47

Nikuna ketan nu kapitan nu sundalo hide u nangyare ay nagpure siya tu Diyos. “Talaga a malinis i tolayan iye!” kagi na.

Lukas 7:2

Tehhod hod a essa a kapitan nu Romano a te pinakamamahal a alipin. Nadid tehhod a saket iye a alipin sakay magipepatay dán.

Gimet 10:1

Nadid, tehhod a essa a lállake a taga-Cesarea, u ngahan na ay ti Cornelio. Kapitan siya nu sundalo hide a Romano, a dáddulawan de a “Batalyon nu Italyano.”

Gimet 10:22

Kanya kinagi de, “Pinaangay kame he nu kapitan nu sundalo hide a ti Cornelio. Mabait siya a tolay sakay te ánteng tu Diyos, igággalang siya nu atanan a Judio. Kinagi nikuna nu anghel nu Diyos a paangay na ka sakay sanigán na u kagiyán mo.”

Gimet 16:10

Kanya káttapos a ketan ni Pablo i pangitainan itod ay agad kame a immangay ti Macedonia, dipo nabate me a dinulaw kame nu Diyos a mangaral tu Maganda a Baheta tu tolay hod hide.

Gimet 18:2

Nakilala na hod ti Aquila, essa a Judio a taga-Ponto. Káddedemát na la a gábwat ti Italia kaguman u kabanga na a ti Priscila. Lummakad hide hod dipo pinalakad ni emperador a Claudio u atanan a Judio ti Roma. Immangay ti Pablo tu bilay de,

Gimet 19:21

Káttapos ni itod a pangyayare, tu tulung nu Banal a Ispirito ay naisip ni Pablo a humoyot ti Macedonia sakay Acaya bagu a angay ti Jerusalem sakay kinagi na, “Kailangan ko be a angay ti Roma, kággábwat ko ti Jerusalem.”

Gimet 21:32

Nangkuyog siya a agad ti sundalo sakay tu kapitan de hide, sakay gummággenan hide a paangay tu páppágyanan nu tolay hide. Pákketa de tu puno sakay tu sundalo hide ay inyemang de u págbabálbág de ni Pablo.

Gimet 22:26

Nikuna masaneg iye nu kapitan ay immangay siya tu pupuno sakay kinagi na nikuna, “Kodya dán iye? Romano bál i tolayan iye!”

Gimet 23:11

Ti gibi labiyan itod ay pimmeta u Panginoon ni Pablo sakay kinagi na nikuna, “Begsákkan mo isip muwe! Nagpatunay ka tungkul nikán ti Jerusalemáy; konna be hina u gimitán mo ti Roma.”

Gimet 23:17

Dinulawan ni Pablo u essa tu kapitan hide sakay kinagi na, “Aguman mo ped i ulitowan iye tu pinuno moy dipo tehhod siya a gusto a kagiyán.”

Gimet 24:23

Káttapos ay inyutus na tu kapitan a bantayan ti Pablo, pero diyan de siya higpitan nan payagen dila siya a bisitaán sakay tulungan nu amigu na hide.

Gimet 25:12

Nák-aged siya ti payo tu tagapayo na hide, sakay kinagi na, “Ta kinagi mo a mák-atubang ka tu Hare ti Roma ay peangay taka hod.”

Gimet 25:25

Pero tu pággimbistiga ko ay awanák ti netan a dahilan para parusaan siya ti kamatayan. Dipo inaged na a iyadene u kaso na tu Hare ti Roma, nagdisisyonák a ipeangay kuhod siya.

Gimet 27:11

Pero mas sinaneg pa nu kapitan nu sundalo hide u kinagi nu kapitan nu barko sakay u makákkao tu barko nan tu payo ni Pablo.

Gimet 27:43

Pero gusto a iligtas nu kapitan nu sundalo hide ti Pablo kanya binawalan na hide. Pinalukso na tu diget u atanan a makanangoy tán makaapet hide tu degdig.

Gimet 27:6

Nakaehyok hod u kapitan ti essa a barko a gábwat ti Alejandria a patamo ti Italia, kanya pina-agton na kame hod.

Gimet 28:1

Nikuna makaapet kami dán ay natukuyan me a puduk bál lan itod ay ngángngahanan de a Malta.

Gimet 28:16

Káddemát me ti Roma ay pinakultadan de ti Pablo a mangupa ti sadile na a págyanan, pero kaguman na u essa a sundalo a mágbantay nikuna.

Hebreo 13:24

Ikumusta moy kame tu mangasiwa hide nikam sakay tu atanan a kákkapatkákka. Kumustaán kam be nu kákkapatkákka ti Italia.