Gimet 26:24 - U Maganda A Baheta Ni Jesu-Cristo

²⁴ Mentaras a magupos ti Pablo ay kinagi ni Festo ti mabegsák, “Magaheng ka dán Pablo! Nasubraan ka dán ti talino kanya ka nagaheng-aheng!”

Gimet 26:24 ပူးပေါင်းရင်းမြစ်များ

Markos 3:21

Nikuna a mabaheta nu pamilya ni Jesus i iye ay inangay di siya para pahintuwán, dipo kákkagiyán nu tolay hide a nasida dán u isip na.

Juan 7:15

Nagtaka nikuna u pinuno nu Judio hide, sakay kinagi de, “Kodya na a matukuyan i bagayan iye hide, awan bi siya nakapagiskuwela?”

Juan 8:48

Kinagi nu puno nu Judio hide ni Jesus, “Tama u kinagi me a essa ka a Samaritano sakay sináddáp ka ni madukás a ispirito.”

Juan 8:52

Kinagi nu puno nu Judio hide, “Siguradu kame a sináddáp ka ni madukás a ispirito. Ti Abraham ay natay dán sakay nágkatay dán be u prupeta hide, pero kinagi mo a awan mata-matay u deyaman a mangtupad tu toldu mo.

Gimet 17:32

Pákkasaneg de tu kinagi ni Pablo tungkul tu kákkabiyag a huway ay pinagtawaan siya nu agum. Kinagi be nu agum, “Gusto me a masaneg a huway i kinákkagi muwe.”

Gimet 22:1

“Nadid, kákkapátkákka hide sakay dáddakál hide, sanigán moy kagiyán kuwáy nadid bilang págdipensa ti sadile kuwáy.”

Gimet 24:25

Pero nikuna ipaliwanag ni Pablo a dapat mabiyag a malinis u tolay, sakay magpugád tu sadile para awan magkasala, sakay impaliwanag nabe u tungkul tu pághatul a dumemát ay neántingan ti gobernador Felix. Kinagi na, “Maare ka dán a lumakad, ipadulaw taka dálla a huway ni tehhodák dámman a odas.”

Gimet 24:27

Pero kállipas nu duwwa a taon ay pinalitan ni Porcio Festo ti Felix bilang gobernador. Dipo tu soh ni Felix a magustuwan siya nu Judio hide ay pinabayan na ti Pablo a pumáppireso.

Gimet 26:11

Sináddáp ko atanan a sinagoga, sakay ni deya man u kedemáttan ku hod ay pinahirapan ko tánni pilitán a magupos kontara ni Jesus. Tu subra ko iyamut tu mánnampalataya hide ay immangayák pa tu agum a bansa para pahirapan ko hide.”

1 Corinto 1:23

Pero u ipáppangaral me ay ti Cristo a nepako tu kudus a essa a kesángdulan nu Judio hide, sakay para tu Hentil hide ay awan kan iye ti kabuluhan.

1 Corinto 4:10

Kagi nu tolay hide, Awan kame kan ti tukoy dipo u itáttoldu me ay tungkul ni Cristo; pero mágkarunung kam kan dipo ni Cristo! Mágkahina kame kan; pero mágkabegsák kam kan! Sássestiyán kame pero igággalang kam!

2 Corinto 5:13

Ni kumán kame man a nasidaan ti isip, alang-alang iye tu Diyos, sakay ni matino kami man ay para iye tu kapiyyaan moy.

2 Timoteo 3:15

Sakay sapul pa a anak ka ay tukoy mo dán u Banal a Kasulatan. Iye u makapangatád niko ti karunungan para magkahod ka ti kaligtasan tu pamamag-itan nu pánnampalataya ni Cristo Jesus.