Gimet 26:18 - U Maganda A Baheta Ni Jesu-Cristo

¹⁸ Paangayán taka ti itod hide a tolay tánni mabukasan u mata de. Sakay mesole hide tu demlag gábwat tu kadiklámman, tánni meligtas hide tu kapangyariyan ni Satanas sakay isole tu Diyos. Tu pamamag-itan nu pánniwala de nikán ay mapatawad hide tu kasalanan de hide sakay mebilang hide tu pinile hide nu Diyos!’

Gimet 26:18 ပူးပေါင်းရင်းမြစ်များ

Mateo 4:10

Pero inutusan ni Jesus ti Satanas “Umadeyo ka nikán Satanas. Dipo nakasulat be a ‘Sambaán mo u Panginoon a Diyos sakay siya la u sunudán mo awan dán ti agum.’”

Mateo 4:16

Hikam a mágyan tu kadiklámman nu kasalanan ay maketa ti dakál a demlag. U demlag u mángpeta tu dilan nu kaligtasan tu mágyan hide tu lugar nu kamatayan.”

Lukas 1:77

sakay itoldu mo u kaligtasan tu tolay na hide, tu pamamag-itan nu págkahod ti kapatawaden nu kasalanan de hide.

Lukas 1:79

Tán mademlagen u katoy hide tu kadiklámman sakay u nágkatay dán ti kasalanan, Igiyya na kitamon patamo tu kapayapaan.”

Lukas 2:32

siya u mangdemlag tu Hentil hide, sakay siya be u mangatád ti karangalan tu pinile mo a lahe ni Israel.”

Lukas 24:45

Binukasan na u iisip de para maintendiyan de u Kasulatan hide.

Lukas 24:47

Tu pamamag-itan nu ngahan na, u págsise sakay kapatawadan nu kasalanan ay dapat a ipangaral tu atanan a bansa, sapul ti Jerusalem.

Lukas 4:18

“Katoy nikán u Ispirito nu Panginoon, dipo hikán u pinile na a mángpakapospos tu Maganda a Baheta tu mágkahirap hide a tolay. Inutusanák na para ikagi tu pireso hide a malaya dán hide, sakay konna bi hod, u buhák hide ay maketa dán. Inutusanák na para palayaán u áapi-apiyán hide,

Juan 17:17

Ilaan mu hide tu pamamag-itan nu tatahoden; u upos mo ay tatahoden.

Juan 3:19

Nahatulan hide dipo ummangay dán ti munduway u Anak nu Diyos bilang demlag tu mundu, pero mas ginusto pa nu tolay hide a manatile tu kadiklámman nan tu demlag, dipo madukás u gággimitán de hide.

Juan 4:10

Kinagi ni Jesus nikuna, “Ni tukoy mo la ni ánya u inyatád nu Diyos, sakay ni deya i mák-enomáy niko ay hiko pa u mák-enom nikuna tán painumán na ka tu dinom a makapangatád ti biyag.”

Juan 4:14

pero u uminom tu dinom a iyatád ko ay awan dán mauwa-uwaw. Dipo u dinom a iyatád ko ay konna tu essa a hábwayan a awan makakatiyan. Sakay u tolay a tumanggap ti iye ay magkahod ti biyag a awan ti kahád.”

Juan 8:12

Nadid ay huway a nagupos ti Jesus tu tolay hide, “Hikán u demlag ni munduway. U sumunud nikán ay awan mabiyag tu kadiklámman, nan magkahod ti demlag tu biyag na.”

Juan 9:39

Nadid ay kinagi ni Jesus, “Kanyaák a immangay ti munduwáy ay para mahatulan u tolay hide. Sakay tu konna hod ay maketa u buhák hide tu tatahoden, sakay para mabuhák u magkagi hide a ketan de u tatahoden.”

Juan 9:5

Mentaras a hodák ti munduwáy ay hikán u demlag ti munduway.”

Gimet 10:43

Siya u kákkagiyán nu prupeta hide nikuna ipahayag de a, ‘Ni deya man u maniwala nikuna ay patawadán na u kasalanan de tu pamamagitan nu ngahan na.’”

Gimet 13:47

Dipo sa iye u inyutus nikame nu Panginoon, ‘Indátton taka a magin demlag nu Hentil hide Tánni mebaheta mo u kaligtasan hanggan tu kaontok-ontukan ni munduway.’”

Gimet 15:9

Eessa u pangileng nu Diyos nikitam sakay hide; pinatawad na hide tu kasalanan de dipo tu pánnampalataya de.

Gimet 2:38

Timmábbeg ti Pedro, “Kákkapatkákka ko hide, pagsisiyan moy dán sakay adeyuwan u kasalanan moy hide, sakay magpabawtismo kam tu ngahan ni Jesu-Cristo tánni mapatawad kam tu kasalanan moy hide, sakay pagkaluuben nakam tu Banal a Ispirito.

Gimet 20:21

Impangaral ko tu Judio hide sakay tu Griego hide a dapat de adággen u kasalanan de sakay magsole tu Diyos sakay sumampalataya tu Panginoon tam a ti Jesu-Cristo.

Gimet 20:32

Nadid ay ipabahala takamon tu Diyos sakay tu Upos na a mangpatunay tu kabaitan na. Siya u makapangpatibay nikam sakay makapangatád tu págpapala a inhanda na tu atanan a pinile na a magin kao na.

Gimet 26:19

Dipo ti iye, kagalang-galang a hare a Agripa, kanya awanák simmuway tu pangitain a gábwat ti langet.

Gimet 26:23

a kailangan a maghirap ti Cristo, sakay siya u kadipalonguwan a mabiyag a huway para mángligtas tu kabanuwan na hide a Judio sakay tu Hentil hide.”

Gimet 3:19

Kanya nadid ay magsisi kamon sakay umadene tu Diyos, tánni patawadán na u kasalanan moy hide,

Gimet 5:31

Inyangay siya nu Diyos ti langet sakay inatádden ti kataasan a katungkulan a makaguman na a maghare ti langet. Siya u Mangsakup sakay Mángligtas nikitam. Ginimet itod nu Diyos tánni magkahod ti págkakataun u lahe hide ni Israel a magsise sakay mangaged ti tawad tu kasalanan de hide tánni mapatawad hide.

Roma 8:17

Sakay bilang anak hide nu Diyos, hikitam ay tagapagmana nu Diyos sakay kaguman ni Cristo a magmana tu págpapala hide a inhanda na. Dipo ni magtiis kitam a konna ni Cristo tu itod ay dumemát u aldew a parangalan na kitam a kaguman na.

1 Corinto 1:2

Iye a sulat ay para tu mánnampalataya hide a katoy ti Corinto a pinili na para magin kao na tu pamamag-itan nu pákpagkaessa ni Cristo Jesus. Kumonna be tu pinile hide tu atanan a lugar a dumulaw tu ngahan nu Panginoon a ti Jesu-Cristo, u Panginoon tam a atanan.

1 Corinto 1:30

Siya u naggábwatan nu biyag moy nadid dipo tu pákpagkaessa moy ni Cristo Jesus. Nikuna tam a natukuyan u karunungan nu Diyos dipo nikuna sakay tu ginimet na tu kudus ay inturing kitam nu Diyos a matuwid, dipo pinatawad na dán u kasalanan tam. Imbilang kitam nu Diyos a banal sakay pinalaya na kitam gábwat tu kasalanan sakay inligtas na kitam.

2 Corinto 4:4

Awan hide summampalataya, dipo u isip de ay binuhák nu diyos ni munduwáy. Binuhák na hide tánni awan de ketan u demlag nu Maganda a Baheta tungkul tu demlag ni Cristo a kapareho nu Diyos.

2 Corinto 4:6

Dipo u Diyos mismo u nagkagi a, “Magkahod ti demlag tu kadiklámman.” Siya be u nangdemlag tu puso me hide tánni ketan me u kadakilaan nu Diyos a netan tu hupa ni Cristo.

2 Corinto 6:14

Dyan kam mákkaessa tu awan hide mánnampalataya. Dipo awan maare a magkaessa u malinis sakay u madukás, oni demlag sakay u diklám.

Galacia 2:20

Kumánnák a nepako sakay natay tu kudus a kaguman ni Cristo tu kudus. Bakán dán a hikán u mabiyag tu sadile ko nan ti Cristo dán. Mentaras biyagák ay mabiyagák ayun tu pánnampalataya tu Anak nu Diyos a nangmahal nikán sakay náng-alay tu biyag na para nikán.

Galacia 3:14

Tinubus kitam ni Cristo para u págpapala hide a inpananto nu Diyos ni Abraham ay matanggap be nu Hentil hide tu pamamag-itan ni Jesu-Cristo. Sakay tu pamamag-itan nu pánnampalataya tam nikuna ay matanggap tam u inpananto nu Diyos a Banal a Ispirito.

Galacia 3:2

Saiye u gusto ko a itanung nikam: Tinanggap moy beman u Banal a Ispirito dipo tu kássunud moy tu Kautusan? Awan! Nan dipo simmampalataya kam tu nasaneg moy tungkul ni Cristo.

Efeso 1:11

Dipo ni Cristo, ay nagin sakup kame nu Diyos a nanggimet tu atanan a bagay ayun tu plano sakay kaluuban na. Nangyare iye nikuna piliyán na kame tu itod pa.

Efeso 1:14

U Banal a Ispirito u katibayan a matanggap tam a gábwat tu Diyos u impanantu na hide hanggan makao tam u ganap a kaligtasan. Kaya puriyán tam u makapangyariyan a Diyos.

Efeso 1:18

Idáddasal kube tu Diyos a nakwa demlagan nu Diyos i isip moye tánni matukuyan moy u tungkul tu asaan tam a inlaan na nikitam bilang sakup na hide. Sakay para maitendiyan moy ni sakodya ti kakpal u págpapala a inlaan na para tu pinili na hide.

Efeso 1:7

Tinubus kitam ni Cristo tu pamamag-itan nu kákkatay na, sakay pinatawad na kitamon tu kasalanan tam hide. Konna hod ti kadakál u págmahal na,

Efeso 2:8

Dipo tu habag nu Diyos ay naligtas kam tu pamamag-itan nu pánnampalataya moy ni Cristo. Iye a kaligtasan ay kaluub nu Diyos, bakán a gábwat nikam.

Efeso 4:18

Sakay awan hide ti pang-intendi. Dipo awan hide ti tukoy sakay mágkaigát u ulo de, awan hide ti bahagi tu biyag a impagkaluub nu Diyos.

Efeso 5:11

Dyan kam mákbahagi tu gimet nu tolay hide a katoy tu kadiklámman. Nan ikagi moy nide a madukás u gággimitán de.

Efeso 5:14

Sakay melantad u atanan dipo tu demlag. Kaya kinagi nu Kasulatan, “Lumukag ka hiko a tidug, Umikat ka a gábwat tu patay hide tánni demlagan ka ni Cristo.”

Efeso 5:8

Tu itod ay nabiyag kam tu kadiklámman pero nadid ay nademlagan kamon dipo katoy kamon tu Panginoon. Kanya ipeta moy tu kákkabiyag moy a nademlagan kamon.

Efeso 6:12

Dipo u kalaban tam ay bakán a katolayan, nan u magkadukás hide a ispirito tu panganurin; hide iye u pinuno, u te kapangyariyan hide, sakay u mamahala hide tu mágkadukás a mámmagyan ti munduwáy.

2 Timoteo 2:26

Tánni konna hod ay maliwanagan u isip de sakay makalákmos hide tu sákwat ni Satanas a nángdakáp nide para sumunud tu kagustuwan na.

Hebreo 10:10

Dipo tu págsunud ni Jesu-Cristo tu kaluuban nu Diyos, ay lininis na kitam tu kasalanan tam hide tu pamamag-itan nu pág-alay na tu sadile na a bággi. Pumensan nala iye a ginimet, sakay awan dán iye mahuwa-huway.

Hebreo 10:14

Kanya tu pamamag-itan la nu pumensan na a pággalay, ay pinaginbanal na hanggan-hanggan u lininis na hide.

Hebreo 11:6

Ni awan kitam sumampalataya tu Diyos, ay awan tam siya mapasaya, dipo ni deyaman u umadene nikuna ay dapat a maniwala a tehhod a Diyos a mángngatád ti piremyo tu tolay hide a magsikap a makilala u Diyos.

Hebreo 9:15

Kaya ngane ti Cristo u tagapamagitan tu bigu a kasunduwan. Dipo tu kákkatay na, ay napatawad u katolayan tu kássuway de nikuna a sakup palla hide nu purumero a kasunduwan. Kanya dipo hod, ay matanggap nu dinulaw hide nu Diyos u impananto na a awan ti katapusan a págpapala.

Santiagu 2:5

Mahal ko hide a kákkapatkákka, mágsaneg kam! Awan beman pinile nu Diyos u mágkahirap hide ti munduwan iye tánni magin mayaman ti pánnampalataya, sakay magin tagapagmana tu kahariyan a impananto na tu atanan a magmahal nikuna?

1 Pedro 1:4

Sakay matanggap tam u pagpapala a awan masisida, awan ti dangát sakay awan magkukupas a inhanda nu Diyos ti langet para nikam.

1 Pedro 2:25

Dipo kumán kam a tupa a nágketawtaw pero nadid ay inipun kamon a huway nu Diyos tu pamamag-itan ni Jesus a pastol tam a mággalaga tu kaliduwwa tam.

1 Pedro 2:9

Pero hikam u lahe hide a pinile nu Diyos, a magin saserdote na a magserbi tu tatahoden a Hare, essa a bansa para tu Diyos. Pinile kitam nu Diyos a magin sakup na sakay mángpakapos-pos tu makataka-taka hide a ginimet na a mágkaganda. Siya be u náng agton nikitam tu makataka-taka a demlag na nikuna a katoy kitam palla tu kadiklámman.

1 Juan 1:9

Pero ni aminán tam tu Diyos u kasalanan tam hide ay siguradu a patawadán na kitam sakay linisan na kitam tu mágkadukás tam a gimet dipo siya ay matapat sakay matuwid.

1 Juan 2:12

Magsulaták nikam a anak ko hide, dipo pinatawad dán nu Diyos u kasalanan moy dipo tu ginimet ni Cristo.

1 Juan 3:8

U magtulos-tulos a maggimet ti kasalanan ay kaessa ni Satanas dipo sapul pa tu itod ay mággagimitán dán siya ti kasalanan. Kaya ummangay he u Anak nu Diyos ay para sidaán u gimet ni Satanas.

1 Juan 5:19

Tukoy tam a anak kitam nu Diyos sakay tukoy tam be a u buo a mundo ay katoy tu kapangyariyan ni Satanas.

Judas 1:1

Hikán ay ti Judas, a tagapagserbi ni Jesu-Cristo, a wadi ni Santiago. I sulat kuwáy ay para tu pinile hide nu Diyos, a mabiyag tu págmahal nu Diyos a Ama sakay áalagaan ni Jesu-Cristo.

Pahayag 21:27

Pero awan hod ti makasáddáp a ánya man a bagay a madangát tu pangileng nu Diyos, u makán gimitán ti madukás, sakay u mágkabule hide. Nan u makasáddáp laay hod tu banuwan ay u nakasulat u ngahan na tu libro nu Tupa. Dipo i librowan iye u sássulatan nu ngahan nu naatádden ti biyag a awan ti kahád.