Gimet 26:12 - U Maganda A Baheta Ni Jesu-Cristo

¹² “Iye u dahilan ni bakin a immangayák ti Damasco a te kapangyariyan a inpakultad nu puno hide a saserdote.

Gimet 26:12 ပူးပေါင်းရင်းမြစ်များ

Juan 11:57

Ti itod a panahun ay inyutus nu pinuno nu Saserdote hide sakay nu Pariseo hide a ikagi ni ti deya man u makatukoy ni hádya ti Jesus para madakáp de siya.

Gimet 26:10

Kanya konna hod u ginimet ko ti Jerusalem. Makpal a kristiyano u impepireso ko, dipo tu kapangyariyan a inyatád nikán nu puno nu saserdote hide. Sakay nikuna a hatulan u agum nide ti kamatayan ay essaák be a immayun nide.

Gimet 26:13

Mentaras a maglakad kame tu tanghale a tapat. Hare a Agripa, ay naketaák ti grabi't demlag a gábwat ti langet, mas mademlag pa iye nan u aldew. Nagdemlag u lebut me a mamágkakaguman.

1 Corinto 15:8

U kadimodyanan ay nikuna pummeta siya nikán. Kumánnák a neenak tu awan tama a panahun dipo awanák nakaguman ni Jesus pero nagin apostolák napade maski konnaák tu essa a anak a neenak tu awan tama a panahun.