Gimet 26:11 - U Maganda A Baheta Ni Jesu-Cristo

¹¹ Sináddáp ko atanan a sinagoga, sakay ni deya man u kedemáttan ku hod ay pinahirapan ko tánni pilitán a magupos kontara ni Jesus. Tu subra ko iyamut tu mánnampalataya hide ay immangayák pa tu agum a bansa para pahirapan ko hide.”

Gimet 26:11 ပူးပေါင်းရင်းမြစ်များ

Mateo 10:17

Magingat kam dipo ikasu di kam sakay haplitán di kam tu sinagoga de hide.

Markos 13:9

“Humanda kam! Dipo dumemát u panahun a itokyon dikam, sakay bálbággán dikam tu sinagoga hide. Imbistigaan dikam tu atubang nu gubernador hide sakay tu hare hide dipo tu kássunud moy nikán. Iye u págkakataun moy para mángkagi nide tungkul nikán.

Markos 3:28

Tandaan moy iye: u atanan a kasalanan pate u upos a kontara tu Diyos ay maare a mapatawad,

Lukas 15:17

Pero napag-isip-isip na u ginággimet na hide kaya nakagi na tu sadile na, ‘U alipin nama ko ay awan magala-aláp nan lalabis pa u kanan de, pero hikán ay matayák dán he ti aláp!

Lukas 21:12

Pero bagu a mangyare iye hide a atanan ay padakáp dikam sakay pahirapan. Iyangay dikam tu sinagoga hide para imbistigaan sakay ipepireso. Sakay dipo tu págsunud moy nikán ay iyatubang dikam tu hare hide sakay tu gubernador hide.

Lukas 6:11

Pero grabi u iyamut nu maisto hide nu Kautusan sakay u Pariseo hide. Kanya namágguhon hide ni ánya u dapat de a gimitán ni Jesus.

Gimet 13:45

Pero nikuna ketan nu Judio hide u tuna't káppal a tolay ay nagsállap hide, kaya kinontara de u kákkagiyan ni Pablo sakay impasanike de siya.

Gimet 18:6

Nikuna kinontara de siya sakay ininsulto ay impagpag na u alikabuk tu badu na, bilang babala nide. Kinagi na, “Kasalanan moy dán ina ni mepahamak kam! Awanák dán ti pananagutan nikam! Sapul nadid ay hedák dán mangaral tu Hentil hide.”

Gimet 22:19

Pero kinagi ko, ‘Panginoon, tukoy de a balang sinagoga ay sáddappán ko tu itod tánni ipepireso sakay ipabálbág ko u mánnampalataya hide.

Gimet 22:5

Makapagpatunay tungkul ti iye u pinakapuno nu saserdote hide sakay u buo a gurupo nu pinuno hide. Inatáddinák di pa ti sulat para tu Judio hide ti Damasco, kanya immangayák hod para dakáppán u kaguman ti tolduwan iye hide tungkul ni Cristo sakay iyangay he ti Jerusalemáy para parusaan.”

Gimet 9:1

Nadid, tunay u pagkasoh ni Saulo a pakantingán sakay bunuwán u disepulus hide nu Panginoon. Kanya immadene siya tu pinakapuno nu saserdote hide,

Santiagu 2:7

Awan beman hide u mangsásseste tu dakila a ngahan ni Jesu-Cristo a nangsakup nikitam?

2 Pedro 2:16

Sakay dipo sinuway na u utus nu Diyos, ay pinagkagiyan siya nu hayup na a asno, nagupos a kumán a tolay para masaway siya tu madukás a gággamitán na.