Gimet 26:10 - U Maganda A Baheta Ni Jesu-Cristo

¹⁰ Kanya konna hod u ginimet ko ti Jerusalem. Makpal a kristiyano u impepireso ko, dipo tu kapangyariyan a inyatád nikán nu puno nu saserdote hide. Sakay nikuna a hatulan u agum nide ti kamatayan ay essaák be a immayun nide.

Gimet 26:10 ပူးပေါင်းရင်းမြစ်များ

Gimet 7:58

Binehbeh de ti Esteban hanggan tu luwas nu banuwan para batikalán. He di hod siya a binábbatikal hanggan a matay. U tolay hide a nangtistigu ay inuba de u damit de sakay inyatád de ni Saulo.

Gimet 8:1

Nadid, ti Saulo ay kaguman tu pángbuno de ni Esteban. Ti itod a aldew a nagsapul u mahigpit a págpahirap tu mánnampalataya ti Jerusalem. Kanya kimmalat u atanan nu mánnampalataya hide ti Judea sakay ti Samaria. U apostol la hide u nawahak ti Jerusalem.

Gimet 8:3

Pero tu pagkagusto ni Saulo a sidaán u mánnampalataya hide ay sináddáp na u bila-bilay sakay dinakap na u mánnampalataya hide sakay inkulung na, bábbey man oni lállake.

Gimet 9:21

Nagtaka u atanan a nakasaneg nikuna, kanya kinagi de, “Awan beman sa iye u date mágpapahirapán tu mánnampalataya hide ti Jerusalem? Sakay awan beman immangay la he tánni dakáppán hide sakay tawidán tu pupuno nu saserdote hide?”

Gimet 9:26

Káddemát na ti Jerusalem ay pinurbaan na a mákpisan tu disepulus hod hide. Pero manteng hide nikuna, dipo awan hide makapaniwala a essa dán siya a disepulus.

Gimet 9:32

Nadid, nilebut ni Pedro u bawat banuwan tánni bisitaán u kákkapátkákka hide ti pánnampalataya. Nikuna bisitaán na u kákkapátkákka hide ti Lida,

Gimet 9:41

Tinawiden ni Pedro u kamát ni Tabita sakay tinulungan na a tumaknág. Dinulawan na u mánnampalataya hide, u bilo hide a bábbey sakay inyatubang na nide ti Dorcas a biyag.

1 Corinto 15:9

Dipo hikán u pinakamababa tu atanan a apostol; awanák karapat-dapat a madulawan a apostol, dipo pináppahirapan ko u mánnampalataya hide.

Galacia 1:13

Tukoy moy labe u date ko a kákkabiyag tu relihiyon nu Judio hide. Pinahirapan ko ti husto u mánnampalataya hide tu Diyos sakay sinikap ko hide a sidaan a atanan.

Efeso 1:1

Mahal mi hide a kákkapatkákka, hikán ay ti Pablo a apostol ni Cristo Jesus a ayun tu kaluuban nu Diyos. Saiye u sulat ko para tu pinile hide nu Diyos a he ti Efeso sakay matapat be a sumunud ni Cristo Jesus:

Pahayag 17:6

Netan ko i bábbiyan iye a lasing tu dige nu pinile hide nu Diyos, sakay tu dige nu binábbuno na hide dipo tu kássunud de ni Jesus. Nagtakaák tu pákketa ko nikuna.