Gimet 25:7 - U Maganda A Baheta Ni Jesu-Cristo

⁷ Káddemát ni Pablo ay kinalibung-bungan siya nu Judio hide a gábwat ti Jerusalem. Makpal sakay mágkadágge u ibábbintang de kontara nikuna, pero awan di labe mapatunayan.

Gimet 25:7 ပူးပေါင်းရင်းမြစ်များ

Mateo 15:1

Essa aldew te immangay ni Jesus a Pariseo hide sakay u Maisto hide nu Kautusan. Gábwat hide ti Jerusalem.

Lukas 23:10

U puno nu saserdote hide sakay u maisto hide nu Kautusan ay mágtaknág be hod a awan ti imang a makán sihiyán ni Jesus.

Lukas 23:2

Sakay sinapulan de a sihiyán siya, kinagi de, “Napatunayan me a sássulsulan ni tolayan iye u kalugaran me hide a magribeldi. U tolay hide ay binábbawalan na a magbayad ti buwes para ni Cesar a hare ti Roma. Sakay páppaniwalaán na pa u tolay hide a siya u Cristo, a essa a hare.”

Gimet 21:28

Ipáppákhaw de, “Kalugaran me hide, tulungan moy kame! Iye a tolay u mágtatolduwán ti kontara tu bansa a Israel, kontara tu Kautusan ni Moises, sakay kontara tu templo, maskin hádya siya a dumemát. Nangkuyog pa siya ti Griego hide tu templo; dinangáttan na iye a banal a lugar.”

Gimet 24:13

Awan hide ti mepeta a katibayan ti ibábbintang diye nikán.

Gimet 25:24

Sakay kinagi ni Festo, “Kagalang-galang a hare a Agripa sakay hikam a atanan a katoy he nadid: u lállake a ingkaso nu Judio hide ti Jerusalem sakay he ti Cesarea áy ay katoy he. Ipáppákhaw de a awan siya dapat mabiyag.

1 Tesalonica 2:16

Pilitán di kame a pugáddan tánni awan me mepangaral u Maganda a Baheta nu kaligtasan tu Hentil hide. Naputat dán hide ti kasalanan, kaya nadid ay meangay dán nide u iyamut nu Diyos.