Gimet 25:11 - U Maganda A Baheta Ni Jesu-Cristo

¹¹ Ni limmabagák tu batas oni nakagimeták ti kasalanan, sakay hikán ay hatulan mo ti parusa a kamatayan ay tanggapán ko. Pero ni awan tatahoden u ibábbintang ni Judiowan iye hide nikán ay awanák dapat meatád nide. U gusto ko a magdisisyon tu kaso ko ay u hare ti Roma.”

Gimet 25:11 ပူးပေါင်းရင်းမြစ်များ

Gimet 16:37

Pero kinagi ni Pablo tu sundalo hide, “Pinabálbág dikame tu atubang nu kákpalan sakay inpepireso a awan palla naimbistigaan, maski taga-Roma kami labe! Sakay nadid ay gusto dikame a paluwasán ti lihim! Awan maare hide he angayay a mángpaluwas nikame.”

Gimet 18:14

Magupos dán nakwa ti Pablo pero nagupos dán ti gubernador a Galion, “Hikam a Judio hide, ni madágge a kasalanan ireklamo moye sakay ni páglabag tu batas ay dapat la pospusán takam.

Gimet 22:25

Pero nikuna mapungo di dán siya ay kinagi ni Pablo tu kapitan a katoy hod, “Katoy beman tu batas a bálbággán u essa a Romano maskin awan palla nahatulan?”

Gimet 25:10

Pero timmábbeg ti Pablo, “Katoyák he a mágtaknág tu atubang nu pághatulan nu hare ti Roma, kanya dapatay ay hedák dán he a litisán. Awanák ti nagimet a kasalanan tu Judio hide, tukoy mo itona.

Gimet 25:12

Nák-aged siya ti payo tu tagapayo na hide, sakay kinagi na, “Ta kinagi mo a mák-atubang ka tu Hare ti Roma ay peangay taka hod.”

Gimet 25:21

Pero immád ti Pablo sakay impákkekagbi na a ipasa pala tu Hare ti Roma u kaso na. Kanya inyutus ko a bantayan palla he siya hanggan mepeangay ko siya tu Hare.”

Gimet 25:25

Pero tu pággimbistiga ko ay awanák ti netan a dahilan para parusaan siya ti kamatayan. Dipo inaged na a iyadene u kaso na tu Hare ti Roma, nagdisisyonák a ipeangay kuhod siya.

Gimet 26:32

Sakay kinagi pa ni hare a Agripa ni Festo, “Maare tamon nákwa siya a paluwasán ni awan na la impákkekagbi a iyatubang u kaso na tu hare ti Roma.”

Gimet 28:19

Pero kinontra nu Judio hide, kanya napilitanák a iyadene u kaso ko tu hare, maskin awanák ti reklamo kontara tu kalugaran ko hide.

1 Tesalonica 2:15

U Judio hide u nangpabuno tu Panginoon a ti Jesu-Cristo sakay tu prupeta hide tu itod. Sakay hide be u nangpasaket nikame. Sasala nu Diyos u ugali de, sakay kadima hide nu atanan a tolay!