Gimet 24:25 - U Maganda A Baheta Ni Jesu-Cristo

²⁵ Pero nikuna ipaliwanag ni Pablo a dapat mabiyag a malinis u tolay, sakay magpugád tu sadile para awan magkasala, sakay impaliwanag nabe u tungkul tu pághatul a dumemát ay neántingan ti gobernador Felix. Kinagi na, “Maare ka dán a lumakad, ipadulaw taka dálla a huway ni tehhodák dámman a odas.”

Gimet 24:25 ပူးပေါင်းရင်းမြစ်များ

Mateo 22:5

Pero awan iye pinansin nu naimbitaan hide. Immangay hide tu sadi-sadili de a angayan, u essa ay tu luta na sakay u essa ay tu negosyo na.

Juan 16:8

Káddemát na ay patunayan na tu tolay hide ti munduway a male u pákkaintendi de tungkul tu kasalanan, sakay tungkul tu pagkamatuwid, sakay tungkul tu pághatul nu Diyos.

Gimet 10:42

Sakay inutusan na kame a mangaral tu tolay hide, sakay mángpatunay a siya u inlaan nu Diyos a magin tagapaghatul tu biyag hide sakay tu nágkatay dán hide.

Gimet 17:13

Pero nikuna mabaheta nu Judio hide a taga-Tesalonica a impangaral be ni Pablo ti Berea u Upos nu Diyos ay immangay be hide hod tánni sulsulan de u tolay hide a manggulo tu banuwan.

Gimet 17:2

Ugale dán ni Pablo a umangay tu sinagoga. Tu luub nu tállo a simba kada Aldew nu Káimang ay mákpagpaliwanagan siya tungkul tu Kasulatan,

Gimet 17:32

Pákkasaneg de tu kinagi ni Pablo tungkul tu kákkabiyag a huway ay pinagtawaan siya nu agum. Kinagi be nu agum, “Gusto me a masaneg a huway i kinákkagi muwe.”

Gimet 2:37

Nabalisa hide tu nasaneg de kanya kinagi de ni Pedro sakay tu agum hide a apostol a, “Kákkapatkákka me hide, ánya i dapat miyay a gimitán?”

Gimet 24:15

Konna nide, sumampalatayaák tu Diyos a huway na a biyagán u atanan a tolay, matuwid oni awan matuwid.

Gimet 24:26

Pirme na a padulaw ti Pablo sakay kauhunán, dipo makán uhayan siya a pasoksukan siya ni Pablo ti pilak.

Gimet 26:28

Kinagi ni Hare a Agripa ni Pablo, “Akala mu beman ay maakiták mo a magin Cristiano tu badit la a odas?”

Gimet 9:6

Tumaknág ka sakay umangay tu banuwan. Te mángkagi hod niko ni ánya u dapat mo a gimitán.”

Roma 12:1

Kanya ngane kákkapatkaka ko hide, kinagbiyan kam nu Diyos kaya mákpágguhunák nikam. Nadid a biyag kam palla, iparehu moy u biyag moy tu essa a alay a awan ti kapintasan a iyatád moy tu Diyos para págserbi nikuna mentaras biyag kam. Iye u makapangpasaya nikuna. Sakay iye u tatahoden a págsamba moy nikuna.

Roma 14:12

Kanya atanan tam ay managut tu Diyos tu atanan a ginimet tam.

Roma 2:16

Mangyare iye tu aldew a hatulan nu Diyos u atanan a sekreto nu tolay, tu pamamag-itan ni Jesu-Cristo, ayun tu Maganda a Baheta a itáttoldu ko.

1 Corinto 4:5

Kaya bakán a hikitam u magkagi ni tama oni madukás u essa a tolay. Maguhay kam tu tama a panahun, dipo u Panginoon u maghatul káddemát na. Iluwas na u bagay hide a netagu tu kadiklamman sakay ikagi na u lihim hide a plano nu balang essa. Ti panahunan iye, balang essa ay tumanggap ti papure a karapat-dapat nikuna a gábwat tu Diyos.

2 Corinto 5:10

Dipo atanan tam ay umatubang ni Cristo, sakay hatulan na u ginimet tam hide maganda man oni madukás, mentaras biyag kitam palla he ti munduáy. Tanggapán nu balang essa u karapat-dapat a hatul ayun tu ginimet na.

2 Corinto 6:2

Dipo kinagi nu Diyos: “Sinaneg takam tu tama a panahun, Sakay tinulungan taka tu aldew nu págligtas.” Mágsaneg kam! Nadid dán u tama a panahun! Nadid dán u aldew nu págligtas!

Galacia 3:22

Pero kinagi nu Kasulatan, u atanan a tolay ay alipin nu kasalanan sakay awan hide maligtas tu pamamag-itan nu págsunud tu Kautusan dipo bakán a itod u paraan para makaguman u tolay tu pananto nu Diyos nan u pánnampalataya la ni Jesu-Cristo. Kanya nadid u mánnampalataya la hide ni Jesu-Cristo u pagkaluuben tu impananto nu Diyos.

Galacia 5:23

mahinahun, sakay mapugáddan na u sadili na. U atanan a ugale a iye ay awan kontara tu Kautusan.

2 Timoteo 4:1

Nadid, Timoteo, tu atubang nu Diyos sakay ti Cristo Jesus a mághatul tu biyag sakay tu patay hide, tu kássole na para maghare, ay iyutus ku niko a,

Tito 1:8

Nan masaya a magpatulos, magággustuwán tu mágkaganda a gimet, mahinahun, matapat siya a mákpággagum tu kapareho na, sumássunud tu Diyos sakay te págpugad ti sadile.

Hebreo 12:21

Talaga a makaánteng u netannawan de, kanya pate ti Moises ay nagkagi a, “Magpágpággák ti ánteng!”

Hebreo 3:13

Nan magpaala-alaan kam aldew-aldew, mentaras a madulaw palla “nadid” u panahun, tánni awan ti madaya nikam sakay magin alipin nu kasalanan.

Hebreo 4:1

Sakay nadid, u pananto nu Diyos tungkol tu imangan a inhanda na ay para labe nikitam. Kanya ngani mangilag kam makay tehhod nikam a awan makaguman tu impananto na.

Hebreo 6:2

tu bawtismo, tu págtupo ti kamát ni te ipagdasal, u kákkabiyag a huway, sakay tungkul tu pághatul nu Diyos tu tolay hide a makasalanan a hide ay maparusaan tu awan ti kahád.

Hebreo 9:27

Netakda tu tolay a pumensan la a matay, káttapos ay u pághatul.

Santiagu 2:19

Awan beman maniwala kam a eessa la u Diyos? Maganda ina! Pero isipán tam a maskin u dimonyo hide ay maniwala be tu Diyos, sakay magpágpág pa ngane hide ti ánteng.

1 Pedro 3:15

Igalang moy ti Cristo sakay sambaán moy siya bilang Panginoon. Dapat Pirme kitam a handa a magpaliwanag tu maski ni ti deya a magtanung nikam tungkul tu pánnampalataya tam.

2 Pedro 1:6

u karunungan ay dagdagen moy ti págpugád tu sadile; u págpugád ti sadile ay dagdagen moy ti katatagen; u katatagen ay dagdagen moy ti pagkamaka-Diyos;

1 Juan 3:10

Hed tam he a matukuyan ni deya u anak nu Diyos sakay ni deya u anak ni Satanas: Ni deya man u awan maggimet ti maganda sakay awan magmahal tu kapatkákka na ay bakán a anak nu Diyos.

1 Juan 3:7

Anak ko hide dyan kam paloko maski ni deya man. U maggimet ti maganda ay essa a matuwid a tolay, konna ni Cristo.