Gimet 24:16 - U Maganda A Baheta Ni Jesu-Cristo

¹⁶ Kanya gimitán ko u atanan nu makaya ko tán awanák magkasala tu atubang nu Diyos sakay tu tolay hide.

Gimet 24:16 ပူးပေါင်းရင်းမြစ်များ

Gimet 23:1

Nadid, lináttángngan ni Pablo u pinuno hide, sakay kinagi na, “Kákkapatkákka ko hide, tukoy nu Diyos a natupad ko u atanan a gusto na a gimitán ko a maganda u kaluuban ko hanggan nadid a aldew.”

Roma 2:15

U mágkaganda de a gimet ay mángpeta tu inyutus nu Kautusan ay katoy tu puso de. U konsensiya de u mángpatunay, dipo ni maggimet hide ti madukás ay usigán hide nu konsensiya de sakay ni maggimet hide ti maganda ay tukoy labe nu isip.

Roma 9:1

Nadid, hikán a mánnampalataya ni Cristo ay te kagiyánák nikam. Tatahoden u kagiyán ko awanák magbule-bule, sakay u Banal a Ispirito u mangpatunay a malinis u konsensiya ko a tatahoden u kagiyán ko.

1 Corinto 10:32

Dapat bakán a hikam u magin dahilan nu págkasala nu agum, nu Judio hide, nu Griego hide, oni u kakagumanan moy hide a mánnampalataya.

1 Corinto 4:4

Awan ti mangbalisa ti isip kuwáy, pero bakán a u gusto na kagiyán ay awanák dán ti kasalanan. U Panginoon la u makahatul nikán ni tama oni male u gággimitán ko.

2 Corinto 1:12

Essa a bagay u mepagmadakál me: nabiyag kame ti matuwid sakay tapat tu atubang nu atanan a tolay, lalu dán nikam. Nagimet mi iye dipo tu kagbi nu Diyos bakán a tu pamamag-itan nu karunungan nu mundu. Sakay mapatunayan nu isip me a tatahoden u ipagmadakál me.

2 Corinto 4:2

Inadággen midán u gimet me hide a makasani-sanike sakay gággimitán ti tagu. Awan kame mángloko sakay awan me dag-dagen oni palitan u upos nu Diyos. Nan hayagan me a impangaral u tatahoden sakay iye ay tukoy nu Diyos. Kaya handa kame a pahatul maskin deya.

1 Tesalonica 2:10

Hikam u tistigu me sakay u Diyos, a tapat kame sakay awan ti mepintas tu ugale me sakay maayus u pákpággagum me nikam a mánnampalataya hide.

1 Timoteo 1:19

sakay nakwa ay lagi a mabegsak u pannampalataya mo sakay malinis u kansensiya mo. Te sangan a tolay a awan sumunud tu konsensiya de kaya u pánnampalataya de ay nasida.

1 Timoteo 1:5

U layunin ni bilinan iye ay magkahod kitam ti págmahal a gábwat tu malinis a puso, malinis a isip, sakay ti matapat a pánnampalataya.

1 Timoteo 3:9

Kailangan a matapat hide tu pánnampalataya a impakapos-pos nikitam nu Diyos sakay tehhod a malinis a isip.

2 Timoteo 1:3

Magpasalamaták tu Diyos a pagserbiyan ko ti tapat, konna tu ginimet nu nuno ko hide. Awan taka kalimunan a ipagdasal aldew ay ti gibi.

Tito 1:15

Malinis u atanan a bagay tu tehhod a malinis a isip, pero tu mágkadukás sakay tu awan mánnampalataya ay awan ti bagay a malinis dipo madangát u konsensiya sakay u pággisipan de hide.

Hebreo 10:22

kanya umadene kitam tu Diyos a tehhod a katapatan sakay matibay a pánnampalataya nikuna, dipo nalinis dán nu dige ni Cristo u isip tam a kumán a na ugisan dán u bággi tam tu malinis a dinom.

Hebreo 13:18

Ipagdasal moy kame, makagi me nikam a malinis u konsensiya me, sakay gusto me a mabiyag ti matuwid tu atanan nu panahun.

Hebreo 9:14

Pero mas dakál u magimet nu dige ni Cristo! Tu pamamag-itan nu awan ti katapusan a Ispirito ay inyalay na tu Diyos u sadile na bilang alay a awan ti kapintasan. U digi na u manglinis tu puso ay tu isip tam tán adággen tamon u gimet hide a awan ti kabuluhan sakay pagserbiyan tam u Diyos a biyag.

1 Pedro 2:19

Dipo u magtiis ti págpahirap maski ni awan siya ti ginimet a madukás ay kahabagen nu Diyos ni tiniis na iye dipo tu kássunud na tu kagustuwan nu Diyos.

1 Pedro 3:16

Pero magin magalang kam sakay magin mahinahun ni magpaliwanag kam. Dipo bilang tagapagserbi ni Cristo ay diyan tam pabayan a makagimet kitam ti liwat, tán u tolay hide a mangdáddusta nikitam ay mapasanike tu kákkagiyán de a kontara nikitam.

1 Pedro 3:21

I dinuman itod a lonso ay sa itod u mage letrato nu págbautismo a mángligtas nikam. Tu pamamag-itan nu kákkabiyag a huway ni Jesu-Cristo. U págbawtismo a iye ay bakán a para linisán u dangát nu bággi tam nan iye ay tanda a nagsise kitamon tu kasalanan tam hide. Dipo ti iye ay maare kitamon a iligtas nu Diyos dipo ti Cristo ay huway a nabiyag.