Gimet 23:16 - U Maganda A Baheta Ni Jesu-Cristo

¹⁶ Nadid, u balak de ay nasaneg nu pamangkin ni Pablo, anak a lállake nu wadi na a bábbey, kanya immangay siya tu kampo sakay ingkagi na ni Pablo.

Gimet 23:16 ပူးပေါင်းရင်းမြစ်များ

Gimet 21:34

Pero awan pare-pareho u ipáppákhaw nu katolayan. Dipo magulo kaya awan maintendiyan nu pinuno ni ánya nangyariyay, kanya inpeangay na ti Pablo tu kampo.

Gimet 21:37

Nikuna isáddáp di dán ti Pablo tu kampo ay nákkekakagbi siya tu pinuno, “Maare taka a makauhon? Malalake kabál a magupos ti Griego!” Tábbeg nu pinuno.

Gimet 23:10

Sakay nikuna mainit dán u pamagtalu-talo de ay nanteng u puno nu sundalo hide a makay matay ti Pablo dipo pamágpáttangan nu magdilupot a grupo, kanya inutusan na u sundalo hide, sakay impaangay na ti Pablo sakay impesáddap na tu kampo.

Gimet 23:17

Dinulawan ni Pablo u essa tu kapitan hide sakay kinagi na, “Aguman mo ped i ulitowan iye tu pinuno moy dipo tehhod siya a gusto a kagiyán.”

Gimet 23:32

Tu kadimadimangan ay nagsole tu kampo u agum hide a sundalo pero nagwahak u nakakabayo hide para bantayan ti Pablo.

Gimet 24:23

Káttapos ay inyutus na tu kapitan a bantayan ti Pablo, pero diyan de siya higpitan nan payagen dila siya a bisitaán sakay tulungan nu amigu na hide.

1 Corinto 3:19

Dipo u karunungan ti munduwan iye ay awan ti kabuluhan tu pangileng nu Diyos. Konna he u nakasulat tu Kasulatan, “Ekhutan nu Diyos u mágkalalake hide tu kalalakiyan di labe.”