Gimet 21:39 - U Maganda A Baheta Ni Jesu-Cristo

³⁹ Timmábbeg ti Pablo, “Essaák a Judio, dimmakállák ti Tarso nu Cilicia, tagahodák ti banuwanan itod a tanyag. Mákkekagbiyák niko a payaginák moy a makapagupos ti tolaye hide.”

Gimet 21:39 ပူးပေါင်းရင်းမြစ်များ

Gimet 15:23

Impatawed de u sulat a konna he: “Hikame a apostol hide sakay pupuno hide ay mangumusta tu kákkapatkákka tam a Hentil ti Antioquia, ti Siria sakay ti Cilicia.

Gimet 15:41

Immangay di Pablo ti Siria sakay ti Cilicia, sakay pinabegsák na u pánniwala nu mánnampalataya hide.

Gimet 16:37

Pero kinagi ni Pablo tu sundalo hide, “Pinabálbág dikame tu atubang nu kákpalan sakay inpepireso a awan palla naimbistigaan, maski taga-Roma kami labe! Sakay nadid ay gusto dikame a paluwasán ti lihim! Awan maare hide he angayay a mángpaluwas nikame.”

Gimet 21:37

Nikuna isáddáp di dán ti Pablo tu kampo ay nákkekakagbi siya tu pinuno, “Maare taka a makauhon? Malalake kabál a magupos ti Griego!” Tábbeg nu pinuno.

Gimet 22:3

“Hikán ay essa a Judio, neenakák ti Tarso nu Cilicia pero dimmakállák he ti Jerusalemáy. U maisto ko ay ti Gamaliel mahigpiták na a tinolduwan tu Kautusan nu ninuno tam hide. Sakay mahigpit tu itod u págserbi ko tu Diyos, konna nikam.

Gimet 23:27

Dinakáp nu Judio hide i lállakeyan iye sakay laan di dán nakwa a bunuwán. Nadid natukuyan ko a Romano bál siya, kanya nángkuyugák tu sundalo hide sakay inligtas siya.

Gimet 23:34

Pákkabasa na tu sulat ay tinanung nu gobernador ni taga hadya ti Pablo. Sakay nikuna matukuyan na a taga-Cilicia ay

Gimet 6:9

Nákpagtábbegan ti Esteban tu sangan a kaguman tu sinagoga nu Pinalaya hide, hide ay u Judio hide a taga-Cirene, taga-Alejandria, taga-Cecilia, sakay taga-Asia.

Gimet 9:11

Sakay kinagi nu Panginoon, “Angay ka tu karsada a ngángngahanan de a Masunong, angay ka tu bilay ni Judas sakay itanung mo u essa a lállake a taga-Tarso, Saulo, u ngahan na. Pasiyaan siya nadid a magdasal,” kagi nu Panginoon.

Gimet 9:30

Kanya nikuna matukuyan iye nu kákkapátkákka hide a mánnampalataya ay inyangay de ti Saulo ti Cesarea sakay pinasole de ti Tarso.

1 Pedro 3:15

Igalang moy ti Cristo sakay sambaán moy siya bilang Panginoon. Dapat Pirme kitam a handa a magpaliwanag tu maski ni ti deya a magtanung nikam tungkul tu pánnampalataya tam.