Gimet 21:33 - U Maganda A Baheta Ni Jesu-Cristo

³³ Immadene u pinuno sakay dinakáp na ti Pablo, sakay pinapungo na ti duwwa a kadena. Sakay tinanung na u tolay hide, “Deya i tolayan iye? Ánya ginimet naay?”

Gimet 21:33 ပူးပေါင်းရင်းမြစ်များ

Gimet 12:6

Ti gibiyan itod ay tidug ti Pedro tu sállat nu duwwa a sundalo. Pinungo de siya ti duwwa a kadena te guwardiya pa a mágbantay tu pintuwan nu págpiresuwan. Balak a iyatubang ni Herodes ti Pedro tu Judio hide tu sumunud a aldew.

Gimet 20:23

Nan sa iye u tukoy ko: a tu kada banuwan a inangayan ko ay impakapospos dán nikán nu Banal a Ispirito a maguhay dán nikán u kákkekulung sakay pághirap.

Gimet 21:11

Sakay immangay siya nikame, inalap na u sinturon ni Pablo sakay inigutan na u kamát na sakay u tikád na. “Saiye u kinagi nu Banal a Ispirito: Konna he a igutan nu Judio hide ti Jerusalem u makákkao ti sinturonáy, sakay ipadakáp de siya tu Hentil hide.”

Gimet 22:29

Pagdaka a immadeyo u magimbistiga hide nikuna. Nanteng be u pinuno nu sundalo hide dipo impapungo na ti Pablo, a essa bál a Romano.

Gimet 22:30

Pero gusto a matukuyan nu pinuno ni bakin a pinagbintangan nu Judio hide ti Pablo. Kanya tu kadimadimangan ay pinadulaw na u puno nu saserdote hide sakay tu buo a miyembro nu Sanedrin. Káttapos ay pinaokbis na u pungo ni Pablo sakay inyatubang na nide.

Gimet 25:16

Tinábbeg ko hide, a awan tam ugale a Romano hide a magparusa tu essa a tolay ni awan na palla nakatubang u nangbintang nikuna, sakay ni awan palla naatádden ti pagkakataun a ipaliwanag u bintang hide nikuna bilang págtanggul tu sadili na.

Gimet 26:29

Timmábbeg ti Pablo, “Maski dakál oni badit a odas, basta i dasal kuwáy tu Diyos ay bakán la nakwa hiko nan pate u atanan a mágsaneg nikán nadid ay magin konna nikán, pero dyan la nakwa u pákkapungo ko.”

Gimet 28:20

Impadulaw takam dipo gusto takam a ketan sakay para makagi ko nikam a kanyaák a hod he a nakapireso dipo tu pánniwala ko ni Jesus a pag-asa nu Israelita hide.”

Efeso 6:20

Dipo inutusanák nu Diyos para ipangaral u Maganda a Baheta sakay iye u dahilan ni bakin a nakapiresuwák nadid. Kaya ipagdasal moy a mepahayag ko iye a tehhod a begsák isip dipo iye u nerarapat.

Filipos 1:7

Dapat la a konna he u kagiyán ko dipo mahal takam a tahod sakay dipo magkaguman kitam a timmanggap tu pagpapala nu Diyos, maski tu itod a malayaák a magpahayag sakay mángtaknág tu Maganda a Baheta hanggan nadid a nakapiresuwák.

2 Timoteo 1:16

Pagpalaán nakwa nu Diyos u pamilya ni Onesiforo; dipo pirmiyák na a angay bisitaán sakay pasayaán. Awanák na ikasanike maskin piresuwák.

2 Timoteo 2:9

u dahilan nu pághirap ko hanggan a nepire-piresuwan ko a konna tu mágbabono a tolay. Pero u upos nu Diyos ay awan mepireso.