Gimet 21:27 - U Maganda A Baheta Ni Jesu-Cristo

²⁷ Nikuna adene dán a matapos u netakda a pitto a aldew ay hed ti Pablo tu Templo. Netan siya hod nu Judio hide a taga-Asia. Kaya sinusutan de u makpal a tolay tu Templo a dakáppán de ti Pablo.

Gimet 21:27 ပူးပေါင်းရင်းမြစ်များ

Lukas 21:12

Pero bagu a mangyare iye hide a atanan ay padakáp dikam sakay pahirapan. Iyangay dikam tu sinagoga hide para imbistigaan sakay ipepireso. Sakay dipo tu págsunud moy nikán ay iyatubang dikam tu hare hide sakay tu gubernador hide.

Gimet 13:50

Pero sinulsulan nu Judio hide u bábbey hide a igággalang, sakay u lállake hide a pinuno tu banuwan a kalabanán di Pablo sakay ti Bernabe tánni mapalakad di hide ti banuwanan itod.

Gimet 14:19

Pero te dummemát a Judio hide a gábwat ti Antioquia sakay ti Iconio. Sakay sinulsulan de u tolay hide ti Listra a kumontara ni Pablo kaya binábbatikal di siya. Káttapos ay binehbeh di siya a paluwas tu banuwan tu buung akala de a patay dán.

Gimet 14:2

Pero u ginimet nu Judio hide a awan summampalataya ay sinida de u mánnampalataya hide tu awan summampalataya a Hentil, sakay sinulsulan de hide a kumontara tu mánnampalataya hide.

Gimet 14:5

Nagplano a agad ti madukás u Hentil hide sakay u Judio hide, kaguman u pupuno de hide kontara tu apostol hide. Binalak de a pasakitan hide sakay budasán.

Gimet 16:6

Sakay immangay di Pablo tu lugar nu Frigia sakay ti Galacia, dipo awan hide pinayagen nu Banal a Ispirito a mangaral tu Upos nu Diyos ti Asia.

Gimet 17:13

Pero nikuna mabaheta nu Judio hide a taga-Tesalonica a impangaral be ni Pablo ti Berea u Upos nu Diyos ay immangay be hide hod tánni sulsulan de u tolay hide a manggulo tu banuwan.

Gimet 18:12

Pero nikuna maging gobernador ti Galion ti Acaya ay namágkaessa u Judio hide a dakáppán ti Pablo sakay inyangay tu pághatulan.

Gimet 2:9

Tehhod nikitam a taga-Partia, te taga-Media, taga-Elam, te gábwat be ti Mesopotamia, ti Judea, Capadocia, ti Ponto sakay ti Asia.

Gimet 20:19

Nagserbiyák tu Panginoon a tehhod a kapakumbabaan sakay magtákták i luwa kuwáy dipo tu págmalasakit ko tu tolay hide. Makpal a pagsubuk u tiniis ko dipo tu pakán balak nu Judio hide nikán ti madukás.

Gimet 24:11

Awan palla ti sapulo ay ti duwwa a aldew sapul dimmemátták ti Jerusalem para sumamba. Matukuyan mo iye ni magimbistiga ka.

Gimet 24:18

Ina u ginimet ko nikuna a demáttanák de tu templo natapos ku dán a gimitán tu itod u atanan a bagay para tu páglinis sigun tu Kautusan, sasangan la a tolay u kaguman ko tu itod sakay awanák nanggulo.

Gimet 26:21

Dipo ti iye hide a ginimet ko kaya dinakáppák nu Judio hide mentaras hedák tu templo, sakay gustuwák de pa a bunuwán.

Gimet 4:3

Kanya dinakáp de ti Pedro sakay ti Juan. Imbistigaan di pa nakwa hide a duwwa kanya la ay gibi dán, kaya ingkulung di hide hanggan tu dimadimang.

Gimet 5:18

Dinakáp de u apostol hide sakay ingkulung de hide.

Gimet 6:12

Iye u ginimet de tánni masulsulan de a magiyamut u tolay hide ni Esteban, u ama-amaan hide nu lahe hide sakay tu lahe hide ni Israel. Sinunggaben de siya sakay inyatubang tu Sanedrin.

Gimet 6:9

Nákpagtábbegan ti Esteban tu sangan a kaguman tu sinagoga nu Pinalaya hide, hide ay u Judio hide a taga-Cirene, taga-Alejandria, taga-Cecilia, sakay taga-Asia.

2 Corinto 11:26

Tu madalas ko a págbiyahe ay nadanas ko u iba-iba a delikadu a kalagayan: tu dilikadu a dinom, tu mágbabano hide, tu kalugar ko hide a Judio sakay tu Hentil hide. Tu dilikadu hide a banuwan, paparang, tu diget, sakay tu tolay hide a magkukunware a mánnampalataya.

1 Tesalonica 2:16

Pilitán di kame a pugáddan tánni awan me mepangaral u Maganda a Baheta nu kaligtasan tu Hentil hide. Naputat dán hide ti kasalanan, kaya nadid ay meangay dán nide u iyamut nu Diyos.