Gimet 20:7 - U Maganda A Baheta Ni Jesu-Cristo

⁷ Tu purumero a aldew nu sasimba ay napisan-pisan kame para tu pángtappeng-tappeng ti tinapay. Nangaral ti Pablo nide hanggan tu bállog nu gibi dipo palakad siya tu kadimadimangan.

Gimet 20:7 ပူးပေါင်းရင်းမြစ်များ

Markos 16:9

[Dimadimang palla tu Aldew nu simba ay nabiyag a huway ti Jesus. Dipalongo na a pimmetaan ay ti Maria Magdalena. Siya u bábbey a inibutan na ti pitto a madukás a ispirito.

Lukas 22:19

Sakay inalap na u tinapay sakay nagpasalamat tu Diyos, káttapos ay tináppeng-táppeng na itod sakay inyatád na nide. Kinagi na, “Iye u bággi ko a nealay para nikam. Gimitán moy iye a pággalaalaan moy nikán.”

Lukas 24:35

Sakay inyistorya be nu duwwa u nangyare nide tu dilan, sakay ni kodya di siya a natengge nikuna a paghate-hatiyan na u tinapay.

Juan 20:1

Nadid, tu dimadimang nu Simba, madidiklám palla ay immangay dán ti Maria Magdalena tu páglábbángngan. Káddemát na hod ay netan na a nabukasan dán u takáp nu páglábbángngan a bito.

Juan 20:19

Nadid, nikuna a gibi dán ti aldiwan itod nu Simba ay naipun u disepulus hide ni Jesus. Ingkandadu de u pintuwan hide dipo tu ánteng de tu pinuno nu Judio hide. Bigla a dimmemát ti Jesus sakay timmaknág tu bállog de, sakay kinagi na, “Magkahod kam nakwa ti kapayapaan.”

Juan 20:26

Kállipas nu walo a aldew ay huway a naipun u disepulus hide ni Jesus tu disalad nu bilay. Kaguman di dán hod ti Tomas. Pero maski ni nakakandadu u pintuwan hide ay dimmemát ti Jesus sakay timmaknág tu bállog de, sakay kinagi na, “Magkahod kam ti kapayapaan.”

Gimet 16:10

Kanya káttapos a ketan ni Pablo i pangitainan itod ay agad kame a immangay ti Macedonia, dipo nabate me a dinulaw kame nu Diyos a mangaral tu Maganda a Baheta tu tolay hod hide.

Gimet 2:42

Nagin masipag hide tu págsaneg sakay pággadal tu itáttoldu nu apostol hide. Lagi hide a mamaggipun-ipun bilang mátkaka. Sakay hide ay pisan-pisan a kuman sakay magdasal.

Gimet 2:46

Mamágpisan hide tu templo kada aldew, sakay mamágkaguman hide tu bila-bilay de a magpira-piraso tu tinapay, masaya hide a mamággatubang a kuman a maluwag tu isip de,

Gimet 20:11

Sakay simmangkay a huway ti Pablo sakay tináppeng-táppeng na u ti tinapay sakay kimman hide. Káttapos ay intulos na u pángngaral na hanggan a magamulaldew dán sakay limmakad.

Gimet 20:31

Kanya magingat kam! Isipán moy a makpalák a luwa a timmuhog tu págtatoldu ko nikam aldew ay ti gibi tu tállo a taon a kakagumanák moy.

Gimet 20:5

Nágdipalongo hide sakay naguhay dán hide nikame ti Troas.

Gimet 20:9

Mággetnod u essa a ulito tu bintana a u ngahan na ay ti Eutico. Dipo tu katakdug nu pángngaral ni Pablo ay tinongka siya sakay netidug ti mahimbing. Kanya natápduk siya sapul tu páppágyanan na a katállo a palapag hanggan ti sidung. Sakay patay dán siya nikuna ágkatan de.

Gimet 28:23

Kanya nagtakda hide ti essa a aldew, sakay makpal u immangay tu páppágyanan ni Pablo káddemát ni itod a aldew. Saldew siya a nagpaliwanag nide sakay nángpatunay tungkul tu pághare nu Diyos. Tu pamamag-itan nu Kautusan ni Moises sakay u insulat nu prupeta hide ay ginimet na u atanan a makaya na tán maakit na hide a sumampalataya ni Jesus.

1 Corinto 10:16

Awan beman u káinom tam tu baso a ipáppasalamat tam ay pákbahagi tam tu dige ni Cristo? U kákkan tam tu tinapay a tináppeng-táppeng tam ay pákbahagi be tu bággi na?

1 Corinto 15:10

Pero dipo tu kagbi nu Diyos nikán ay nagin apostolák, sakay awan be nawanan ti kabuluhan u kaluub a iye nikán. Nagtrabahuwák ti husto kasera tu agum nide, pero bakán iye tu sadile ko a kakayanan nan tu kabaitan la nu Diyos nikán.

1 Corinto 16:2

Kada dipalongo a aldew nu sasimba ay mangsáddi dán u balang essa ayun tu kitaán na, sakay ipunán itod para awan dán kailangan a magaged ti tulung káddemát ko hina.

2 Timoteo 4:2

ipangaral mo u upos nu Diyos maski ánya a pagkakataun. Akitán mo u tolay hide, pagkagiyan sakay pabegsákkán u isip de tu pamamag-itan nu matiyaga mo a págtoldu nide.

Pahayag 1:10

Sakay mentras a heyák hod, netaun be a aldew tu itod nu pággipun-ipun para sumamba tu Pangioon Jesus, hikan ay inggiya nu Ispiritu nu Diyos sakay nasaneg ko tu áadággen ko u mabegsák a boses a kumán a tánnog ni trumpeta.