Gimet 20:35 - U Maganda A Baheta Ni Jesu-Cristo

³⁵ Tu atanan a pagkakataun ay impeta ko nikam tu pamamag-itan nu konna he a págsumikap a dapat moy a tulungan u mágkahirap. Isipán moy u kinagi nu Panginoon a Jesus, ‘Pinagpala u mangatád nan u tumanggap.’”

Gimet 20:35 ပူးပေါင်းရင်းမြစ်များ

Mateo 10:8

Pagpiyyaán moy u te saket hide sakay biyagán moy u patay hide. Pagpiyyaán moy be u te ketong hide sakay palayasán moy u demonyo hide tu hinayup. Nakaalap kam a awan ti bayad kanya iyatád moy be a awan ti bayad.

Gimet 20:20

Tukoy moy a tu págtoldu ko sakay tu pángngaral ko nikam ay awanák nagalanganin a magkagi nikam maski ánya man a bagay a ikapiyya moy. Nagtolduwák ti hayagan pati be tu bila-bilay.

Gimet 20:27

Dipo awanák nagkemot nan impakapospos ko nikam u atanan a layunin nu Diyos.

Gimet 20:34

Tukoy moy a nagtarabahuwák ti husto tánni mabiyag kame ay tu kakaguman ko hide.

Gimet 20:36

Pákkakagi na hod ay limmuhud ti Pablo sakay nagdasal a kaguman de a atanan.

Roma 15:1

Hikitam a mágkabegsák ti pánnampalataya ay dapat a tumulung tu kákkapatkákka hide a mágkahina ti pánnampalataya. Bakán la a u sadile tam a kapiyyaan u dapat tam a isipán,

1 Corinto 9:12

Ni u agum hide a mángngaral ay tehhod a karapatan, di mas lalu kame dán! Pero maski ni konna pa man hod ay awan me ginamit iye a karapatan. Nan tiniis me u atanan tanni awan kame magin hadlang tu Maganda a Baheta tungkul ni Cristo.

2 Corinto 11:12

Sakay tulos-tulos ko a gimitán u gággimitán ko nadid tánni awan magkahod ti rason u mágbabahetaán hide a u pagserbi de ay konna tu gággimitán me.

2 Corinto 11:9

Sakay nikuna nagkulangák hina ay awanák nakadágge maskin deya man nikam dipo tinulunganák nu kákkapatkákka hide ti Macedonia. Sapul pa ti sapul ay iniwasan ko dán a makadággi nikam ti anya man a paraan sakay ina u gimitán ko hanggan-hanggan.

2 Corinto 12:13

Anya beman u lamang nikam nu agum a mánnampalataya? Awan, maliban tu awan ko pángngaged nikam tu maskin ánya. Patawadánnák moy ni essa itod a pagkukulang ko.

2 Corinto 8:9

Dipo tukoy moy ni sa kodya ti kadakál u págmahal nu Panginoon tam a ti Jesu-Cristo, a maski mayaman siya ay nagin mahirap tánni yumaman kam tu pamamag-itan nu pagka-mahirap na.

Efeso 4:28

U mágtakaw ay dyan dán magtakaw; nan magtrabaho siya sakay gamitán na u kamát na tu tarabaho a marangal tánni makatulung siya tu mangailangan hide.

1 Tesalonica 4:11

Pilitán moy a mabiyag ti tahimik sakay pospusán moy u sadili moy a gimet. Sakay magtarabaho kam tánni mabiyag kam, konna tu intoldu mi nikam.

1 Tesalonica 5:14

Kákkapatkákka mi hide, ipákkekagbi mi nikam a pagkagiyan moy u tamad hide sakay pabegsákkán moy u isip nu mágkahina hide sakay tulungan moy hide. Pagtiyagaan moy u atanan a tolay.

Hebreo 13:16

Sakay diyan tam kalimunan a maggimet ti maganda sakay tu káttulung tu agum dipo ina u alay a kasayaan nu Diyos.

Hebreo 13:3

Isipán moy u nágkepireso hide a kumán a kaguman dikam a nakapireso. Sakay tulungan moy u kákkapatkákka a apiyadu a kumán a hikam u magdanas be ti konna hod.

3 Juan 1:7

Dipo inwahak de u banuwan de para magbaheta tu Maganda a Baheta tungkul ni Cristo. Sakay awan de ugale a tumanggap maski ánya man a tulung tu awan hide mánnampalataya tu Diyos.