Gimet 20:3 - U Maganda A Baheta Ni Jesu-Cristo

³ Nágyan siya hod ti tállo a bulan. Lumakad dán nákwa siya a patamo ti Siria, pero nabaheta na a te balak a madukás u Judio hide. Kanya naisip na a tumaleb dálla siya ti Macedonia tu kássole na.

Gimet 20:3 ပူးပေါင်းရင်းမြစ်များ

Mateo 4:24

Kanya nasaneg nu totolay hide tu buo a lugar a Siria u ginimet ni Jesus a makataka-taka hide. Inyangay de nikuna atanan nu te saket hide, u hinayup hide, u mágpatay hide sakay u awan dán hide makaahikad. Pinagpiyya hide a atanan ni Jesus.

Gimet 16:12

Kággábwat me ti Neapolis ay immangay kame ti Filipos, essa a dakál a banuwan ti Macedonia a sakup ni Roma. Nákpágyan kame hod ti sangan a aldew.

Gimet 16:9

Ti gibiyan itod ay nagkahod ti essa a pangitain ti Pablo: te essa a lállake a taga-Macedonia a te taknág sakay mákkekakagbi nikuna, kinagi na, “Umangay ka pay ti Macedoniaáy sakay tulungan moy kame.”

Gimet 18:18

Káttapos ni itod a pangyayare ay nákpágyan pa ti Pablo ti sangan a aldew ti Corinto, sakay nagpaalam tu mánnampalataya hide. Káttapos ay immangay siya ti Cencrea a adene tu diget, kaguman na u magkabanga a Priscila sakay Aquila. Ti Cencrea ay nagpagapas siya ti buuk dipo natupad na dán u pananto na tu Diyos. Káttapos, nággabeng hide a patamo ti Siria.

Gimet 19:21

Káttapos ni itod a pangyayare, tu tulung nu Banal a Ispirito ay naisip ni Pablo a humoyot ti Macedonia sakay Acaya bagu a angay ti Jerusalem sakay kinagi na, “Kailangan ko be a angay ti Roma, kággábwat ko ti Jerusalem.”

Gimet 20:1

Nikuna immimang dán u kaguluwan ay pinadulaw ni Pablo u mánnampalataya hide sakay pinayuwan na hide a magpakatatag. Káttapos ay nagpaalam siya sakay immangay ti Macedonia.

Gimet 20:19

Nagserbiyák tu Panginoon a tehhod a kapakumbabaan sakay magtákták i luwa kuwáy dipo tu págmalasakit ko tu tolay hide. Makpal a pagsubuk u tiniis ko dipo tu pakán balak nu Judio hide nikán ti madukás.

Gimet 20:2

Sakay immangay siya tu banu-banuwan ti Macedonia a nagtoldu sakay pinayuwan na u mánnampalataya hod hide a magpakatatag. Káttapos ay nagtulos siya ti Grecia.

Gimet 21:3

Dimmemát kame tu tapat nu Cyprus a matannaw tu banda ti kawihe. Nagdire-diretso kame hanggan ti Siria pero pimmundu kame ti Tiro dipo magawas ti karga u abeng.

Gimet 25:3

a ni maare ay paangayán na ti Pablo ti Jerusalem. Dipo u planu de ay harangán de siya tu dilan tánni bunuwán de.

2 Corinto 1:15

Dipo ti pánniwala kuwan iye, ay binalak ko a penduwaák hina a umangay tánni maduble u págpapala moy.

2 Corinto 11:26

Tu madalas ko a págbiyahe ay nadanas ko u iba-iba a delikadu a kalagayan: tu dilikadu a dinom, tu mágbabano hide, tu kalugar ko hide a Judio sakay tu Hentil hide. Tu dilikadu hide a banuwan, paparang, tu diget, sakay tu tolay hide a magkukunware a mánnampalataya.

2 Corinto 7:5

Nikuna dimmemát kame ti Macedonia ay awan kame padi ti imang, Dipo maski ni hádya ay puro hirap u nadanas me. Tu palebut me ay atoy hod u kumontara hide nikame sakay tu pusu me ay tehhod a ánteng.

Galacia 1:21

Káttapos hod ay immangayák ti Siria sakay Cilicia.