Gimet 20:28 - U Maganda A Baheta Ni Jesu-Cristo

²⁸ Ingatan moy u sadile moy sakay u atanan a mánnampalataya a pinabantay nikam nu Banal a Ispirito. Alagaan moy ti husto u mánnampalataya hide tu Diyos dipo tinubus na hide tu pamamag-itan nu digi nu Anak na.

Gimet 20:28 ပူးပေါင်းရင်းမြစ်များ

Mateo 16:18

Sakay kagiyán ku be niko a hiko ti Pedro sakay ti iye a bito u magin pundasyon nu pinili ko hide a tolay. Sakay awan ti makapangtalo maski u kapangyariyan ni Satanas.

Mateo 2:6

‘U lugar a Betlehem a sakup ti Juda ay mas tanyag nan tu agum a banuwan ti Juda, dipo hod a meenak u puno a mamahala sakay magpospos tu tolay ko hide a Israelita.’ ”

Markos 13:9

“Humanda kam! Dipo dumemát u panahun a itokyon dikam, sakay bálbággán dikam tu sinagoga hide. Imbistigaan dikam tu atubang nu gubernador hide sakay tu hare hide dipo tu kássunud moy nikán. Iye u págkakataun moy para mángkagi nide tungkul nikán.

Lukas 12:32

“Hikam a disepulus ko hide, dyan kam manteng, maski sasangan kam la dipo gugusto nu Diyos a kaguman nakam tu kahariyan na.

Lukas 21:34

Kinagi ni Jesus, “Pero mag-ingat kam, dyan kam mággaabalaán a máglalasingán sakay mágsasayaán, sakay dyan kam mabalisa ti pakán ehyok moy tu kabiyagan moy hide tu aldew-aldew. Bakay abutan kam ni Aldiwan itod a awan handa.

Gimet 13:2

Essa aldew mentaras a magkulasyon sakay magpure hide tu Panginoon, kinagi nu Banal a Ispirito nide, “Ibukod moy di Bernabe sakay ti Saulo. Tehhodák a inlaan a tarabaho para nide.”

Gimet 14:23

Tu balang simbaan nu mánnampalataya hide ay nagpile ti Bernabe sakay ti Pablo ti magin pinuno tu simbaan de. Káttapos de a nagdasal sakay nagkulasyon ay impagkatiwala de tu Panginoon a pánnaligan de.

Gimet 20:17

Nikuna a katoy palla ti Pablo ti Mileto ay pinadulaw na u pinuno hide nu mánnampalataya hide ti Efeso.

Gimet 20:29

Tukoy ko a tu kállakad ko ay makpal a magdemáttan a mágkatapang a aso a mangubus tu katupaan.

Roma 16:16

Magkumustaan kam bilang mátkaka ni Cristo, tu pamamag-itan nu malinis a ámmo, kákkumustaán kam nu atanan nu mánnampalataya ni Cristo heeh.

1 Corinto 1:2

Iye a sulat ay para tu mánnampalataya hide a katoy ti Corinto a pinili na para magin kao na tu pamamag-itan nu pákpagkaessa ni Cristo Jesus. Kumonna be tu pinile hide tu atanan a lugar a dumulaw tu ngahan nu Panginoon a ti Jesu-Cristo, u Panginoon tam a atanan.

1 Corinto 10:32

Dapat bakán a hikam u magin dahilan nu págkasala nu agum, nu Judio hide, nu Griego hide, oni u kakagumanan moy hide a mánnampalataya.

1 Corinto 11:22

Awan kam beman ti sadile a bilay tánni hod kam a kuman sakay uminom? Oni imemenos moy u mánnampalataya hide sakay pasanikiyán u mágkahirap hide a awan ti matawed a makan? Ánya nadid gimitán kuway? Ahakán takam? Awan! Awan takam maahak!

1 Corinto 15:9

Dipo hikán u pinakamababa tu atanan a apostol; awanák karapat-dapat a madulawan a apostol, dipo pináppahirapan ko u mánnampalataya hide.

1 Corinto 6:20

Dipo natubus kamon ti dakál a halaga. Kaya gamitán moy u bággi moy para maparangalan u Diyos.

Galacia 1:13

Tukoy moy labe u date ko a kákkabiyag tu relihiyon nu Judio hide. Pinahirapan ko ti husto u mánnampalataya hide tu Diyos sakay sinikap ko hide a sidaan a atanan.

Efeso 1:14

U Banal a Ispirito u katibayan a matanggap tam a gábwat tu Diyos u impanantu na hide hanggan makao tam u ganap a kaligtasan. Kaya puriyán tam u makapangyariyan a Diyos.

Efeso 1:7

Tinubus kitam ni Cristo tu pamamag-itan nu kákkatay na, sakay pinatawad na kitamon tu kasalanan tam hide. Konna hod ti kadakál u págmahal na,

Efeso 4:11

Sakay te iba-iba a kaluub a inyatád siya nikitam: u agum ay pinagkaluuban na a magin apostol, u agum ay magin prupeta, u agum ay mángngaral tu Maganda a Baheta, u agum ay magin pastor sakay u agum ay tagapagtoldu.

Filipos 1:1

Mahal ko hide a kákkapatkákka, iye a sulat ay gábwat nikán a ti Pablo sakay ti Timoteo a alipin hide ni Cristo Jesus. Iye ay para tu atanan a pinile nu Diyos a taga-Filipos a summampalataya hide ni Cristo Jesus, pate u puno hide sakay tu tumulung nide a mangasiwa tu mánnampalataya hide.

Colosas 1:14

Tu pamamag-itan nu Anak na, ay napalaya sakay napatawad kitamon tu kasalanan tam hide.

Colosas 4:17

Sakay kagiyán moy pay ni Arquipo a itulos-tulos na u gawain a tinanggap na tu Panginoon.

1 Timoteo 3:1

Nadid, tatahoden i kakagiyanan iye: Nitideyaman u masoh a magin pinuno tu simbaan ay maganda u hangarin na dipo mahalaga i tungkulinan ina.

1 Timoteo 3:2

Pero u essa a pinuno ay kailangan a awan ti kapintasan, essa la u kabanga na, kaya a magpugád tu sadile na sakay awan pabigla-bigla. Kailangan a kagalang-galang, mágpatulos tu bilay na, sakay malalake a magtoldu.

1 Timoteo 3:5

Dipo ni awan na kaya a mapangasiwaan u sadile na a pamilya, kodya na a mapangasiwaan u simbaan nu Diyos?

1 Timoteo 4:14

Dyan mo páppabayan u inyatád niko nu Banal a Ispirito a kakayanan a inpagkatiwala na niko nikuna a itupo niko nu pinuno hide nu simbaan u kama-kamát de hide iye u kinagi nu prupeta a gimitan mo.

1 Timoteo 4:16

Bantayan mo u sadile mo sakay u págtoldu mo. Magtiyaga ka a magtulos-tulos a gimitán iye hide a bagay, tánni maligtas ka sakay u atanan nu nágsaneg niko.

1 Timoteo 5:17

U pinuno hide a mangasiwa ti mahusay ay dapat la a tumanggap ti pággalang sakay madagdagen u suweldu de lalu dán u mángngaral hide sakay mágtoldu tu upos nu Diyos.

Tito 1:7

Dipo u tungkulin nu essa a pinuno nu simbaan ay para tu Diyos, dapat a awan siya ti kapintasan. Dapat a awan siya hambug oni alisto a maiyamut sakay dapat be a awan siya máglasing, awan mággulo oni hupa ni pilak.

Tito 2:14

Inyatád na u biyag na tánni tubusán na kitam tu atanan a kadukássan tam. Sakay lininisan na kitam tánni magin kao na a tolay a magággustuwán a maggimet ti maganda.

Hebreo 12:15

Pakabantayan moy a awan adággen nu deya man nikam u pagmahal nu Diyos. Dyan kam magmula ti saket ni isip a makapangpadukás tu agum.

Hebreo 13:17

Sumunud kam sakay magpasakup tu mangasiwa hide nikam dipo te pananagutan hide a magbantay nikam, sakay managut hide tu Diyos tungkul ti iye. Ni sunudán moy hide ay masaya hide a gimitán u tungkulin de, pero ni awan ay malungkut hide, sakay ni malungkut hide ay awan iye makatulung nikam.

1 Pedro 2:25

Dipo kumán kam a tupa a nágketawtaw pero nadid ay inipun kamon a huway nu Diyos tu pamamag-itan ni Jesus a pastol tam a mággalaga tu kaliduwwa tam.

1 Pedro 2:9

Pero hikam u lahe hide a pinile nu Diyos, a magin saserdote na a magserbi tu tatahoden a Hare, essa a bansa para tu Diyos. Pinile kitam nu Diyos a magin sakup na sakay mángpakapos-pos tu makataka-taka hide a ginimet na a mágkaganda. Siya be u náng agton nikitam tu makataka-taka a demlag na nikuna a katoy kitam palla tu kadiklámman.

1 Juan 1:7

Pero ni mabiyag kitam ayun tu demlag a konna tu Diyos a katoy tu demlag ay tehod kitam a pákpagkaessa tu balang essa. Sakay u digi ni Jesus a Anak nu Diyos u nanglinis tu atanan a kasalanan tam.

Pahayag 5:9

Sakay mágkansiyon hide ti bigu a kansiyon, “Hiko u karapat-dapat a mangalap tu kasulatan a nalukot. Sakay mangibut tu selyo na hide. Dipo nabuno ka sakay tu pamamag-itan nu digi mo, ay tinubus mo para tu Diyos u atanan a tolay, gábwat tu kada lahe, upos, banuwan, sakay bansa.