Gimet 20:27 - U Maganda A Baheta Ni Jesu-Cristo

²⁷ Dipo awanák nagkemot nan impakapospos ko nikam u atanan a layunin nu Diyos.

Gimet 20:27 ပူးပေါင်းရင်းမြစ်များ

Mateo 28:20

Sakay tolduwan moy hide a sumunud tu atanan a inyutus ko nikam. Pakatandaan moy: Hikán ay kakaguman moy hanggan tu katapusan nu mundo.

Lukas 7:30

Pero u Pariseo hide sakay u maisto hide nu Kautusan ay timmanggi tu kagustuwan nu Diyos tu biya-biyag de, dipo umád de a nagpabawtismo ni Juan.

Juan 15:15

Awan takamon ibilang a alipin, dipo awan tukoy nu alipin ni ánya u gággimitán nu amo na. Nan, inturing takamon a amigu ko, dipo kagiyán ko nikam u atanan a nasaneg ko tu Ama.

Gimet 13:36

Nikuna masunud dán ni David u atanan a kagustuwan nu Diyos ay natay siya sakay nelábbáng a kaguman nu ninunu na hide sakay nahunot.

Gimet 2:23

Sapul pa tu sapul ay tukoy dán nu Diyos a ti Jesus ay iyatád na nikam, kanya ayun tu karunungan na ay pinayagen na a impepako moy sakay pinabuno tu makasalanan hide a tolay.

Gimet 20:20

Tukoy moy a tu págtoldu ko sakay tu pángngaral ko nikam ay awanák nagalanganin a magkagi nikam maski ánya man a bagay a ikapiyya moy. Nagtolduwák ti hayagan pati be tu bila-bilay.

Gimet 20:35

Tu atanan a pagkakataun ay impeta ko nikam tu pamamag-itan nu konna he a págsumikap a dapat moy a tulungan u mágkahirap. Isipán moy u kinagi nu Panginoon a Jesus, ‘Pinagpala u mangatád nan u tumanggap.’”

1 Corinto 11:23

Iye u adal a natanggap ko tu Panginoon sakay ibahagi ko labe iye nikam: tu gibi a nángtokyon de tu Panginoon Jesus ay nangalap siya ti tinapay.

2 Corinto 4:2

Inadággen midán u gimet me hide a makasani-sanike sakay gággimitán ti tagu. Awan kame mángloko sakay awan me dag-dagen oni palitan u upos nu Diyos. Nan hayagan me a impangaral u tatahoden sakay iye ay tukoy nu Diyos. Kaya handa kame a pahatul maskin deya.

Galacia 4:16

Bakin nadid ay kumánnák moy dán a kadima dipu beman kinagi ko nikam u tatahoden tungkul tu pagkukulang moy hide?

Efeso 1:11

Dipo ni Cristo, ay nagin sakup kame nu Diyos a nanggimet tu atanan a bagay ayun tu plano sakay kaluuban na. Nangyare iye nikuna piliyán na kame tu itod pa.

1 Tesalonica 2:4

Tinanggap kame nu Diyos sakay pinagkatiwalaan tu págpakapospos tu Maganda a Baheta. Inpakapospos me iye, bakán a para pasayaán u tolay hide nan u Diyos a makatukoy tu bawat puso tam.