Gimet 20:19 - U Maganda A Baheta Ni Jesu-Cristo

¹⁹ Nagserbiyák tu Panginoon a tehhod a kapakumbabaan sakay magtákták i luwa kuwáy dipo tu págmalasakit ko tu tolay hide. Makpal a pagsubuk u tiniis ko dipo tu pakán balak nu Judio hide nikán ti madukás.

Gimet 20:19 ပူးပေါင်းရင်းမြစ်များ

Lukas 19:41

Nikuna adene dán siya ti Jerusalem ay nagsanget siya nikuna matan-aw na u banuwan dipo kagbiyan na u tolay hide hod.

Juan 12:26

U atanan a masoh a magin disepulus ko ay dapat umunonod nikán, para ni hádyaák ay katoy bi hod siya. U deyaman a magserbi nikán ay ilangkaw nu Ama.”

Gimet 17:13

Pero nikuna mabaheta nu Judio hide a taga-Tesalonica a impangaral be ni Pablo ti Berea u Upos nu Diyos ay immangay be hide hod tánni sulsulan de u tolay hide a manggulo tu banuwan.

Gimet 17:5

Pero nagsállap u Judio hide kanya inipun de u abusador hide sakay inutusan di hide a manggulo tu banuwan. Sináddáp de u bilay ni Jason, sakay pilit de a inehyok di Pablo sakay ti Silas tánni iyatubang tu tolay hide.

Gimet 20:3

Nágyan siya hod ti tállo a bulan. Lumakad dán nákwa siya a patamo ti Siria, pero nabaheta na a te balak a madukás u Judio hide. Kanya naisip na a tumaleb dálla siya ti Macedonia tu kássole na.

Gimet 20:31

Kanya magingat kam! Isipán moy a makpalák a luwa a timmuhog tu págtatoldu ko nikam aldew ay ti gibi tu tállo a taon a kakagumanák moy.

Gimet 21:27

Nikuna adene dán a matapos u netakda a pitto a aldew ay hed ti Pablo tu Templo. Netan siya hod nu Judio hide a taga-Asia. Kaya sinusutan de u makpal a tolay tu Templo a dakáppán de ti Pablo.

Gimet 27:23

Dipo pimmeta nikán tu gibi he u anghel nu Diyos. U Diyos a sássambaán ko sakay pagserbiyan.

Roma 1:1

Iye a sulat ay gábwat ni apostol Pablo a tagapagserbi ni Jesu-Cristo a dinulaw sakay pinile na tánni mángbaheta tu Maganda a Baheta nu Diyos.

Roma 1:9

Dipo tukoy nu Diyos a pagserbiyan ko ti buo a puso, tu pángngaral ko tu Maganda a Baheta tungkul tu Anak, na a palagi takam a idáddasal.

Roma 12:11

Dyan kam magin tamad ni awan magpakasipag kam sakay buo a puso a magserbi tu Panginoon.

2 Corinto 2:4

Dipo nikuna sulatan takam, ay grabiyák ti lungkut sakay balisa, magtákták luwa kuwáy mentras magsulaták. Sinulatan takam bakán a para atádden ti kalungkutan nan para ipabate ko nikam ni sa kodya ti kadakál u págmahal ko.

2 Corinto 3:5

Ni tu sadile mi la, ay awan sapat u kakayanan me a gimitán iye; nan u Diyos u nángkaluub nikame ti kakayananan iye.

2 Corinto 7:5

Nikuna dimmemát kame ti Macedonia ay awan kame padi ti imang, Dipo maski ni hádya ay puro hirap u nadanas me. Tu palebut me ay atoy hod u kumontara hide nikame sakay tu pusu me ay tehhod a ánteng.

Galacia 1:10

Diyan moy isipán a kaya ku iye a kákkagiyán ay para masaya nikán u tolay. U papure la a gábwat tu Diyos u gusto ko a matanggap. Ni ilingán ku laay ay u ikasaya nu tolay, ay awanák tunay a tagapagserbi ni Cristo.

Efeso 6:7

Magserbi kam a tehhod a kasayaan a kumán a u Panginoon a mismo u pagserbiyan moy bakán a u tolay.

Filipos 3:18

Dipo makpal u mabiyag kontara tu adal tungkul tu kákkatay ni Cristo tu kudus. Sangan ku dán a beses a kagiyán nikam sakay nadid ay magtákták i luwa kuwáy a ipaala-ala nikam a huway i iye.

Colosas 3:24

Tukoy moy labe a te gantimpala kam tu Panginoon; tanggapán moy u inhanda na tu anak na hide. Dipo ti Cristo a Panginoon u págserbiyan moy.

1 Tesalonica 1:9

Dipo hide dán a mismo u nágbaheta tu maganda moy a pángtanggap nikame. Sakay hide dán be u nágbaheta ni kodya moy a inadággen u pagsamba tu diyos-diyosan hide tánni sumunud tu tatahoden sakay biyag a Diyos.

2 Timoteo 1:4

Maala-ala ko u págsanget mo tu itod sakay gugusto taka a ketan tánni magkahodák ti dakál a kasayaan.

Santiagu 1:2

Kákkapatkákka ko hide, magsaya kam ni makadanas kam ti iba-iba a pagsubuk,

1 Pedro 1:6

Dipo ti iye dapat kam a magsaya, maske ni magdanas kam pa ti iba-iba a pagsubuk ti sabadit a panahun.

2 Pedro 1:1

Hikán ti Simon Pedro a apostol sakay tagapagserbi ni Jesu-Cristo. Iye a sulat ay para tu atanan a tummanggap ti pánnampalataya a mahalaga. I pánnampalatayaan iye ay inyatád nikitam ni Jesu-Cristo a Diyos tam sakay tagapagligtas, dipo matuwid siya.

Pahayag 7:15

Kaya ina i dahilanay ni bakin katoy hide tu atubang nu trono nu Diyos, para magserbi nikuna aldew ay ti gibi tu templo. Sakay u mággetnod tu trono u magalaga nide.