Gimet 20:12 - U Maganda A Baheta Ni Jesu-Cristo

¹² Intugn de a biyag u ulito tu bilay na kanya grabi u saya de.

Gimet 20:12 ပူးပေါင်းရင်းမြစ်များ

Gimet 20:11

Sakay simmangkay a huway ti Pablo sakay tináppeng-táppeng na u ti tinapay sakay kimman hide. Káttapos ay intulos na u pángngaral na hanggan a magamulaldew dán sakay limmakad.

Gimet 20:13

Pero nágdipalongo kame a simmakay tu barko a patamo ti Ason. Sakay hed kame dán hod a mamágketa ay di Pablo para hod dán hod siya a máksakay nikame tu barko. Itod u inbilin na nikame, dipo plano na a maglakad.

2 Corinto 1:4

Pinabegsák na kitam tu kalungkutan tam hide para makatulung kitam be tu maglungkut hide, tu pamamag-itan nu kasayaan a natanggap tam tu Diyos.

Efeso 6:22

Iye u dahilan ni bakin a paangayán ko siya hina, tánni matukuyan moy u kalagayan mi he sakay mapabegsák be u isip moy.

1 Tesalonica 3:2

Sakay pinaangay mi hina nikam ti Timoteo a kapatkákka tam sakay kaguman me a tagapagserbi tu Diyos tu pángpakapospos tu Maganda a Baheta patungkul tu Panginoon tam a ti Cristo. Pinaangay me siya hina nikam tán pabegsákkán u isip moy sakay tán patibayán u pánnampalataya moy.

1 Tesalonica 4:18

Kaya ngani, pabegsákkán moy u isip nu bawat essa tu pamamag-itan ni adalan iye.

1 Tesalonica 5:11

Kaya pabegsákkán moy u isip nu balang essa sakay magtulungan kam konna tu gággimitan moy nadid a panahun.

1 Tesalonica 5:14

Kákkapatkákka mi hide, ipákkekagbi mi nikam a pagkagiyan moy u tamad hide sakay pabegsákkán moy u isip nu mágkahina hide sakay tulungan moy hide. Pagtiyagaan moy u atanan a tolay.

2 Tesalonica 2:16

Paha-pahaán kam nakwa nu Panginoon tam a ti Jesu-Cristo sakay u Diyos tam a Ama a magmahal nikitam. Sakay tu pamamag-itan nu kagbi na, ay inatadden na kitam ti awan magbabagu a begsák ni isip sakay matibay a pag-asa.