Gimet 20:1 - U Maganda A Baheta Ni Jesu-Cristo

¹ Nikuna immimang dán u kaguluwan ay pinadulaw ni Pablo u mánnampalataya hide sakay pinayuwan na hide a magpakatatag. Káttapos ay nagpaalam siya sakay immangay ti Macedonia.

Gimet 20:1 ပူးပေါင်းရင်းမြစ်များ

Gimet 11:26

Sakay nikuna netan na dán siya ay kinuyog na ti Antioquia. Tu buo a sa taon ay nágyan hide hod a kakaguman nu mánnampalataya hod hide sakay nangaral tu makpal a tolay. Ti Antioquia u kadipalonguwan a lugar a nangahanan a Cristiyano u mánnampalataya hide.

Gimet 16:12

Kággábwat me ti Neapolis ay immangay kame ti Filipos, essa a dakál a banuwan ti Macedonia a sakup ni Roma. Nákpágyan kame hod ti sangan a aldew.

Gimet 16:9

Ti gibiyan itod ay nagkahod ti essa a pangitain ti Pablo: te essa a lállake a taga-Macedonia a te taknág sakay mákkekakagbi nikuna, kinagi na, “Umangay ka pay ti Macedoniaáy sakay tulungan moy kame.”

Gimet 19:21

Káttapos ni itod a pangyayare, tu tulung nu Banal a Ispirito ay naisip ni Pablo a humoyot ti Macedonia sakay Acaya bagu a angay ti Jerusalem sakay kinagi na, “Kailangan ko be a angay ti Roma, kággábwat ko ti Jerusalem.”

Gimet 20:10

Pero immogsad ti Pablo sakay kinábkábben na siya sakay kinagi na tu tolay hide, “Dyan kam mabalisa, biyag siya!”

Gimet 20:2

Sakay immangay siya tu banu-banuwan ti Macedonia a nagtoldu sakay pinayuwan na u mánnampalataya hod hide a magpakatatag. Káttapos ay nagtulos siya ti Grecia.

Gimet 20:3

Nágyan siya hod ti tállo a bulan. Lumakad dán nákwa siya a patamo ti Siria, pero nabaheta na a te balak a madukás u Judio hide. Kanya naisip na a tumaleb dálla siya ti Macedonia tu kássole na.

Gimet 20:37

Sakay namágsangitan hide a atanan a kimmábkáb sakay immámmo ni Pablo.

Roma 15:19

Sakay tu pamamag-itan nu makataka-taka hide a bagay tu kapangyariyan nu Banal a Ispirito. Kanya nebaheta ko u Maganda a Baheta tungkul ni Cristo sapul ti Jerusalem hanggan ti Ilirico.

Roma 16:16

Magkumustaan kam bilang mátkaka ni Cristo, tu pamamag-itan nu malinis a ámmo, kákkumustaán kam nu atanan nu mánnampalataya ni Cristo heeh.

1 Corinto 16:20

Sakay kumusta kam be kagi nu atanan a kákkapatkákka he. Magkumustaan kam bilang mátkaka ni Cristo.

1 Corinto 16:5

Bumisitaák hina kággábwat ko ti Macedonia, dipo kailangan ko a humoyot hod.

2 Corinto 13:12

Magkumustaan kam bilang mátkaka ni Cristo. Kumustaán kam nu atanan a kákkapatkákka tam he.

2 Corinto 7:5

Nikuna dimmemát kame ti Macedonia ay awan kame padi ti imang, Dipo maski ni hádya ay puro hirap u nadanas me. Tu palebut me ay atoy hod u kumontara hide nikame sakay tu pusu me ay tehhod a ánteng.

1 Tesalonica 5:26

Sakay ikumusta moy kame ped hina tu kákkapatkákka tam hide.

1 Timoteo 1:3

Konna tu impákpágguhon ko niko nikuna tamuwák ti Macedonia, a gusto ko a mágyan ka pala ti Efeso. Tánni paimangan u sangan a tolay a makántolduwan ti liwat.