Gimet 2:33 - U Maganda A Baheta Ni Jesu-Cristo

³³ Pinággetnod siya tu kawanan nu Diyos sakay natanggap na u nepananto a Banal a Ispirito tu Ama. Iye u inyatád na nikame konna tu áelingán sakay masássaneg moy nadid.

Gimet 2:33 ပူးပေါင်းရင်းမြစ်များ

Mateo 28:18

Ummadeni ti Jesus sakay kinagi na nide,” Inyatád dán nikán u atanan a kapangyariyan ti langit sakay ti lutaáy.

Markos 16:19

Nadid káttapos ni Jesus a nagupos nide ay inyontok siya ti langet sakay nággetnod tu kawanan nu Diyos.

Lukas 24:49

Tandaan moy, paangayán kuhe u inpananto nu Ama ko, kaya dyan kam lumakad ti Jerusalem mentaras a awan kam pagkaluuben nu kapangyariyan a gábwat ti langet.”

Juan 14:16

Sakay magdasalák tu Ama a atádden nakam ti Banal a Ispirito, siya u Tagagiyya nikam, kaguman moy siya a hanggan-hanggan.

Juan 14:26

Pero ni nakalakadák dán, u tagagiyya nikam ay u Banal a Ispirito a paangayán he nu Ama. Siya u mangtoldu nikam tu atanan a bagay sakay mángpaala-ala nikam tu atanan a kinagi ko nikam.

Juan 15:26

Káttapos ay kinagi ni Jesus, “Paangayán ko nikam u Banal a Ispirito a gábwat tu Ama. Siya u mánggiya nikam, sakay itoldu na nikam u tatahoden. Káddemát na ay siya u mángpatunay ni ti deyaák a talaga.

Juan 17:5

Kanya nadid, Ama ay atáddinák mo ti karangalan a konna tu karangalan ko nikuna a hodák palla niko tu itod bagu a lalangán i munduway.

Gimet 1:4

Essa aldew mentaras kuman hide a kaguman ni Jesus ay kinagi na, “Dyan kam pa lumakad ti Jerusalem. Uhayán moy u Banal a Ispirito a inpananto nu Diyos Ama. Kinagi ko dán iye nikam tu itod.

Gimet 10:45

Nagtaka u mánnampalataya hide a Judio a kaguman ni Pedro, dipo nepagkaluub be tu bakán hide a Judio u Banal a Ispirito.

Gimet 2:17

Kinagi nu Diyos, ‘Tu dimodyan a aldew, ay iyatád ko u Banal a Ispirito ko tu atanan a klase ni tolay. Ibaheta nu anak moy hide a lállake sakay bábbey u upos ko; sakay maketa ti pangitain u anak moy hide a ulito; sakay u mágkatanda hide a lállake ay magkahod hide ti tagináp.

Gimet 5:31

Inyangay siya nu Diyos ti langet sakay inatádden ti kataasan a katungkulan a makaguman na a maghare ti langet. Siya u Mangsakup sakay Mángligtas nikitam. Ginimet itod nu Diyos tánni magkahod ti págkakataun u lahe hide ni Israel a magsise sakay mangaged ti tawad tu kasalanan de hide tánni mapatawad hide.

Roma 5:5

Sakay awan kitam mabigu-bigu tu pag-asa tam dipo impabate na nikitam u págmahal na tu pamamag-itan nu Ispirito Santo a inyatád nikitam nu Diyos.

Galacia 3:14

Tinubus kitam ni Cristo para u págpapala hide a inpananto nu Diyos ni Abraham ay matanggap be nu Hentil hide tu pamamag-itan ni Jesu-Cristo. Sakay tu pamamag-itan nu pánnampalataya tam nikuna ay matanggap tam u inpananto nu Diyos a Banal a Ispirito.

Efeso 1:13

Hikam be ay nagin sakup nu Diyos dipo nikuna masaneg moy u Maganda a Baheta nu kaligtasan ay simmanpalataya kam ni Cristo. Kanya impagkaluub nikam u Banal a Ispirito a inpananto nu Diyos bilang tanda a pinile na kam.

Efeso 4:8

Konna tu kinagi na tu Kasulatan, “Nikuna summole siya ti langet, ay ingkuyog na u pireso hide, Sakay inátadden na ti kaluub u tolay hide.”

Tito 3:6

Inyatád na nikitam u Banal na a Ispirito tu pamamag-itan ni Jesu-Cristo a tagapagligtas tam. U Banal a Ispirito u mangatád nikitam tu atanan a kailangan tam tu pánnampalataya tam tu Diyos.

Hebreo 10:12

Pero ti Cristo ay pumensan la a nag-alay para tu kasalanan tam, káttapos ay nággetnod dán siya tu kawanan nu Diyos.

Hebreo 2:9

Pero tukoy tam ti Jesus, maski ni nebaba ti sabadit a panahun tu anghel hide, ay naatádden ti karangalan sakay kaluwalhatian dipo tu kákkatay na. Dipo tu habag nu Diyos nikitam ay ingkaluub na a matay ti Jesus para nikitam a atanan.

1 Pedro 1:21

Dipo ni Cristo ay naniwala kamon tu Diyos a nangbiyag a huway nikuna, sakay nangatád nikuna ti kapangyariyan. Kanya u pánniwala moy sakay u pag-asa moy ay katoy tu Diyos.

1 Pedro 3:22

Ti Cristo ay katoy dán ti langet sakay mággetnod dán tu kawanan nu Diyos. Maghare siya hod nadid tu anghel hide sakay tu agum pa hide a tehhod a kapangyariyan ti langet.