Gimet 2:23 - U Maganda A Baheta Ni Jesu-Cristo

²³ Sapul pa tu sapul ay tukoy dán nu Diyos a ti Jesus ay iyatád na nikam, kanya ayun tu karunungan na ay pinayagen na a impepako moy sakay pinabuno tu makasalanan hide a tolay.

Gimet 2:23 ပူးပေါင်းရင်းမြစ်များ

Mateo 20:19

sakay ipaubaya tu awan hide maniwala tu Diyos. Sestiyánnák de, haplitán ti grabe sakay ipako tu kudus; pero huwayák a biyagán nu Diyos tu katállo a aldew.”

Mateo 26:24

Matay u Anak nu Tolay ayun tu Kasulatan pero kakagbi a tahod u mángtokyon nikuna! Mapiyya pa a awan inyenak i tolay an itod.”

Mateo 27:35

Nikuna a nepako de dán siya tu kudus, hinati-hati de u damit na hide káttapos de a nagbunutan.

Markos 15:24

Sakay impako de ti Jesus tu kudus sakay pinaghati-hati de u damit na, tu pamamagitan nu bunutan.

Lukas 22:22

U Anak nu Tolay ay dapat a matay sigun tu intakda nu Diyos, pero makaaánteng u sapitán nu tolay a mángtokyon nikuna.”

Lukas 22:37

Sanigán moy kagiyán kuwáy, kailangan a matupad dán nadid u sumássulat tu Kasulatan tungkul nikán, ‘Inbilang de siya a essa tu makasalanan hide.’ Dipo u nesulat tungkul nikán ay matupad dán nadid!”

Lukas 23:33

Sakay káddemát de tu lugar a kákkagiyán de a Bungo ay impako de ti Jesus tu kudus sakay tu duwwa a tulisan, essa tu kawanan ni Jesus sakay essa be tu kawihe.

Lukas 24:20

Dinakáp siya nu puno me hide a saserdote sakay nu puno hide tu banuwan para mahatulan ti kamatayan, sakay nepako tu kudus.

Juan 19:18

Impako di hod ti Jesus tu kudus kaguman na u duwwa a lállake, essa tu kawanan sakay essa tu kawihe, hod ti bállog ti Jesus.

Juan 19:24

Kinagi nu essa a sundalo, “Diyan tamon iye pamághatiyán. Mamágbunutan kitam dálla ni ti deya keangayanay ni iye.” Nangyare iye para matupad u kinagi tu Kasulatan a, “Pinamághate-hati de u damit ko, sakay namágbunutan hide tu damit ko a pangdisalad.” Sakay iye ngane u ginimet nu sundalo hide.

Gimet 13:27

Awan tinengge nu taga-Jerusalem hide sakay u puno de hide a ti Cristo u Tagapagligtas. Maski u Kasulatan a hula nu prupeta hide a bábbasaán de kada Aldew nu Káimang nu Judio hide ay awan de naintendiyan. Hide pa u nángpatupad ti hulaan itod nikuna hatulan de ti kamatayan ti Jesus.

Gimet 15:18

Iye u kinagi nu Panginoon a nángpakapospos ti bagayan hidenye sapul pa tu itod.’”

Gimet 2:36

Kanya dapat talaga a matukuyan nu atanan a Israelita a ti Jesus a impako moy tu kudus ay siya u pinile nu Diyos a magin Panginoon sakay Cristo.”

Gimet 3:18

Dipo tu ginimet moy ay natupad dán u inpahayag nu Diyos tu pamamag-itan nu prupeta hide tu itod a kailangan a maghirap ti Cristo.

Gimet 4:28

Tu ginimet de ay natupad dán u balak mo tu itod. Sakay nangyare iye tu kapangyariyan mo sakay tu kagustuwan mo.

Gimet 5:28

Kinagi na, “Awan beman binawalan mikam a mangaral tu ngahan ni Jesus? Pero ilingán moy ginimet moye! Kimmalat dán tu intero a Jerusalem i itáttoldu moye, sakay gusto moy kami pa a pakasalananán tu kákkatay ni tolayan itod!”

Gimet 5:30

U Diyos nu nuno tam hide u nangbiyag a huway ni Jesus a binuno moy nikuna impepako moy tu kudus.

Gimet 7:52

Ti deya beman a prupeta i awanay pinahirapan nu nunu moy hide? Binunu de u nánghula tu káddemát nu Banal a intokyon moy be sakay impabuno.

Roma 2:12

U tolay hide a magkasala a awan makatukoy tu Kautusan ni Moises ay maparusaan, pero u pághatul nide ay bakán a ayun tu Kautusan. Sakay u atanan a magkasala a makatukoy tu Kautusan ay maparusaan labe sakay u pághatul nide ay ayun tu Kautusan.

Roma 4:17

Konna he u kinagi na tu Kasulatan, “Ginimet taka a ama nu makpal a bansa.” Iye a pananto ay tehhod a bisa tu atubang nu Diyos a panaligan na, u Diyos a nangbiyag tu patay hide sakay manglalang tu atanan a bagay a awan palla.

1 Tesalonica 2:15

U Judio hide u nangpabuno tu Panginoon a ti Jesu-Cristo sakay tu prupeta hide tu itod. Sakay hide be u nangpasaket nikame. Sasala nu Diyos u ugali de, sakay kadima hide nu atanan a tolay!

1 Pedro 1:2

Pinile kamon nu Diyos a Ama sapul pa tu sapul dipo itod u kagustuwan na. Sakay u Banal a Ispirito u nangpabanal nikam. Kanya magpasakup kamon ni Jesu-Cristo, tánni malinisan kam tu kasalanan moy tu pamamag-itan nu kákkatay na tu kudus. Magkahod kam nakwa ti págpapala sakay kapayapaan.

1 Pedro 1:20

Bagu a linalang nu Diyos i munduway ay inlaan na dán ti Jesus para mangtubus nikitam tu kasalanan tam. Kanya nadid a dimodyan a aldew ay immangay he siya ti lutaáy tánni iligtas na kitam.

1 Pedro 2:8

Sakay nakasulat be a, “Itod labe a bito u kesángdulan sakay kehakpaan nu tolay hide.” Nesángdul hide dipo awan hide sumunud tu upos nu Diyos, sakay iye u inhanda nu Diyos para nide.

Judas 1:4

Nagsulaták nikam dipo tehhod a sangan a tolay a nákpisan nikam a awan moy naripara. Iye hide a tolay ay u awan hide maka-diyos; iniba de u itáttoldu nu Banal a Kasulatan tungkul tu kagbi nu Diyos, ta u rason de ay makákkagbiyán kan u Diyos kanya tulos-tulos la hide a maggimet tu kagustuwan nu pilas de. Awan de tenggiyán ti Jesu-Cristo, u kasiya-siya tam a Puno sakay Panginoon. Tu itod pa a panahun ay nesulat dán tu Banal a Kasulatan u parusa a nelaan dán nide.

Pahayag 13:8

Sakay u atanan a tolay a katoy ti lutaáy ay sumamba nikuna, puwera la tu tolay hide a nakasulat u ngahan de tu libro nu biyag sapul pa nikuna a lalangán i munduway. I libruwan iye ay táttawed nu Tupa a binuno.