Gimet 2:17 - U Maganda A Baheta Ni Jesu-Cristo

¹⁷ Kinagi nu Diyos, ‘Tu dimodyan a aldew, ay iyatád ko u Banal a Ispirito ko tu atanan a klase ni tolay. Ibaheta nu anak moy hide a lállake sakay bábbey u upos ko; sakay maketa ti pangitain u anak moy hide a ulito; sakay u mágkatanda hide a lállake ay magkahod hide ti tagináp.

Gimet 2:17 ပူးပေါင်းရင်းမြစ်များ

Lukas 3:6

Sakay ketan nu atanan a tolay u págligtas nu Diyos!’ ”

Juan 17:2

Dipo inatáddinák mo ti kapangyariyan tu atanan a tolay para maatádden ko ti biyag a awan ti kahád u atanan a tolay a inyatád mo nikán.

Juan 7:39

U dinom a gustu he a kagiyán ni Jesus ay u Banal a Ispirito, a adene dán a matanggap nu maniwala hide nikuna. Awan palla ingkaluub u Banal a Ispirito ti panahunay a itod, dipo awan palla immangay ti Jesus ti langet.

Gimet 10:45

Nagtaka u mánnampalataya hide a Judio a kaguman ni Pedro, dipo nepagkaluub be tu bakán hide a Judio u Banal a Ispirito.

Gimet 11:27

Nadid ti panahunan itod ay te dimmemát a sangan a prupeta hide ti Antioquia a gábwat ti Jerusalem.

Gimet 11:28

Timmaknág u essa nide, u ngahan na ay ti Agabo. Tu pamamag-itan nu Banal a Ispirito ay nagpahayag siya a te dumemát a matindi a sák-aláp ti munduwáy. (Nangyare iye tu kapanahunan ni Emperador a Claudio.)

Gimet 2:16

Iye a pangyayare ay u katupaden dán nu hula ni prupeta Joel tu itod:

Gimet 2:18

Ti itod a aldew ay iyatád ko u Ispirito ko tu tagapagserbi ko hide a lállake sakay bábbey, sakay ipahayag de u Upos ko hide.

Gimet 2:33

Pinággetnod siya tu kawanan nu Diyos sakay natanggap na u nepananto a Banal a Ispirito tu Ama. Iye u inyatád na nikame konna tu áelingán sakay masássaneg moy nadid.

Gimet 21:9

Tehhod siya a áppat a anak a mámmadiket a prupeta.

Roma 5:5

Sakay awan kitam mabigu-bigu tu pag-asa tam dipo impabate na nikitam u págmahal na tu pamamag-itan nu Ispirito Santo a inyatád nikitam nu Diyos.

1 Corinto 12:10

Tehhod a pinagkaluuben ti kapangyariyan a makagimet ti makataka-taka a bagay; sakay u agum be ay pinagkaluuban ti kakayanan a magin prupeta. Tehhod be a pinagkaluuben ti kakayanan a makatukoy ni u kapangyariyan nu tolay ay gábwat tu Banal a Ispirito oni tu mágkadukás hide a ispirito. U agum be ay tehhod a kakayanan a makapagupos ti iba-iba a upos, sakay u agum ay u kakayanan a makapángpaliwanag ti upussan itod hide.

1 Corinto 12:28

Sakay nángdatton u Diyos tu mánnampalataya hide ti kaluub. U dipalongo ay u apostol hide; u kaduwwa ay u propeta hide, sakay u katallo ay u tagapagtoldu hide tu upos nu Diyos. Nángdátton be siya ti tolay a makagimet ti makataka-taka, makapagpapiyya tu te saket, te tagatulong, te taga pangasiwa, sakay tehhod be a makapagupos ti iba-iba a upos.

Hebreo 1:2

Pero nadid a dimodyan a aldew, ay nákpágguhon siya nikitam tu pamamag-itan nu Anak na a tagapagmana tu atanan a bagay. Sakay tu pamamag-itan na ay ginimet nu Diyos u buo a mundu sakay tu atanan a katoy he.

Santiagu 5:3

Kinalawang dán u pilak sakay u ginto moy hide, sakay u kalawang a ina u mangpatunay a intagu moy la u kayamanan moy sakay awan moy intulung tu te kailangan hide. Káddemát nu dimodyan a aldew a umatubang kitam tu Diyos, u kalawang nu kayamanan moy u kuman a magsida nikam konna tu pagsida nu apoy dipo ina u mangpatunay a dapat kam a maparusaan. Dipo tu dimodyan a aldew u kayamanan moy la u pinappospos moy.

2 Pedro 3:3

Dipalongo tu atanan, ay dapat moy a matukuyan a tu dimodyan a aldew ay dumemát u magseste hide sakay sunudán de u mágkadukás de a kagustuwan.