Gimet 19:6 - U Maganda A Baheta Ni Jesu-Cristo

⁶ Sakay ti Pablo ay intupo na u kamát na nide sakay simmidung nide u Banal a Ispirito. Nagupos hide ti iba-iba a upos sakay nagpahayag tu upos a gábwat tu Diyos.

Gimet 19:6 ပူးပေါင်းရင်းမြစ်များ

Markos 16:17

U sumampalataya hide ay atádden ti kapangyariyan a maggimet ti makataka-taka a bagay: tu ngahan ko ay magpalayas hide ti mágkadukás a ispirito sakay makapagupos hide ti iba-iba a upos.

Gimet 19:7

Tehhod wád hide a sapulo ay ti duwwa a lállake a nagpabawtismo ni Pablo.

Gimet 2:4

Sakay minágkaputat hide ti Banal a Ispirito. Kanya nakapagupos hide ti iba-iba a upos, sigun tu kaluub nu Banal a Ispirito tu balang essa.

Gimet 6:6

Nikuna a inyatubang de hide tu apostol hide; ay impagdasal de sakay intupo de u kamát de nide.

Gimet 9:17

Kanya immangay ngane hod ti Ananias. Summáddáp siya tu bilay sakay intupo na u kamát na ni Saulo. Kinagi na, “Kapátkákka ko a Saulo, pinaangayák he nu Panginoon tam a ti Jesus, a nákpágguhon niko tu dilan nikuna patamo ka he. Inutusanák na tanni maketa ka a huway sakay maputat ka tu Banal a Ispirito.”

1 Timoteo 5:22

Dyan mo basta itupo i kamát muwe tu maskin deya la para magin pinuno, nan tukuyán mo pa u pagkatolay na. Magingat ka a awan mesale tu kasalanan nu agum. Magtulos-tulos ka a awan ti dangát.

2 Timoteo 1:6

Dipo he, ay ipaala-ala ko niko a gamitan mo a lagi u inyatad niko nu Diyos a kakayanan a tumulung tu mannampalataya hide nikuna itupo ko niko u kamát ko.