Gimet 19:22 - U Maganda A Baheta Ni Jesu-Cristo

²² Pinágdipalongo na ti Macedonia di Timoteo sakay ti Erasto, u kaguman na a duwwa, sakay nákpágyan palla siya ti Asia ti sangan a aldew.

Gimet 19:22 ပူးပေါင်းရင်းမြစ်များ

Gimet 13:5

Nikuna dummemát hide ti Salamina ay inpangaral de u Upos nu Diyos tu sinagoga nu Judio hide. Sakay kakaguman di ti Juan, a ngángngahanan di a Markos a timmulung nide.

Gimet 16:1

Immangay be ti Pablo tu banuwan a Derbe sakay ti Listra. Tehhod hod a mánnampalataya a u ngahan na ay ti Timoteo a anak nu essa a bábbey a Judio a mánnámpalataya, pero u ama na ay essa a Griego.

Gimet 16:3

Gusto a kuyugán ni Pablo ti Timoteo, kanya tinure na siya dipo tukoy nu Judio hide a mámmágyan ti lugaran itod a Griego u ama ni Timoteo.

Gimet 18:5

Nikuna dimmemát di Silas sakay ti Timoteo a gábwat ti Macedonia, inyatád dán ni Pablo u buo na a odas tu pángngaral sakay magpatunay tu Judio hide a ti Jesus u Cristo.

Gimet 19:10

Nagnalay siya hod ti duwwa a taon, kanya u tolay hide a mágyan ti Asia ay nakasaneg tu Upos nu Diyos, Judio man oni Griego.

Gimet 19:21

Káttapos ni itod a pangyayare, tu tulung nu Banal a Ispirito ay naisip ni Pablo a humoyot ti Macedonia sakay Acaya bagu a angay ti Jerusalem sakay kinagi na, “Kailangan ko be a angay ti Roma, kággábwat ko ti Jerusalem.”

Gimet 19:29

Kanya dipo hod ay nagkagulo u buo a banuwan tu pákhawan. Binehbeh de di Gayo ay ti Aristarco a taga-Macedonia a kaguman ni Pablo sakay sabay-sabay de hide a inyangay tu pággipun-ipunan.

Gimet 20:1

Nikuna immimang dán u kaguluwan ay pinadulaw ni Pablo u mánnampalataya hide sakay pinayuwan na hide a magpakatatag. Káttapos ay nagpaalam siya sakay immangay ti Macedonia.

Gimet 20:34

Tukoy moy a nagtarabahuwák ti husto tánni mabiyag kame ay tu kakaguman ko hide.

Roma 16:23

Kákkumustaán kam be ni Gayo. Hikán a ti Pablo ay náktulos tu bilay na, he be a magipun-ipun u mánampalataya he hide. Kákkumustaán kam be ni Erasto a tusurero nu banuwan sakay tu kapatkákka tam a ti Cuarto.

2 Corinto 1:16

Nagplanuwák a humoyot pa hina káangay ko ti Macedonia. Sakay tu kássole ko, ay humoyuták dámman hina tánni matulunganák moy tu págbiyahe ko ti Judea.

2 Corinto 11:9

Sakay nikuna nagkulangák hina ay awanák nakadágge maskin deya man nikam dipo tinulunganák nu kákkapatkákka hide ti Macedonia. Sapul pa ti sapul ay iniwasan ko dán a makadággi nikam ti anya man a paraan sakay ina u gimitán ko hanggan-hanggan.

2 Corinto 2:13

Pero awanák labe ti kapayapaan dipo awan ko netan hod u kapatkákka ko a ti Tito. Kaya nagpaalamák nide sakay dummiretso ti Macedonia.

2 Corinto 8:1

Nadid, kákkapatkákka me hide, gusto ko a ibaheta nikam u nagimet nu págmahal nu Diyos tu mánnampalataya hide ti Macedonia.

2 Corinto 8:19

Sakay bakán la a ina! Siya u pinile nu mánnampalataya hide a makaguman me tu págbiyahe tánni matulungan di kame tu pángngasiwa a págtugán tu iambag moy ti Judea. U konna he a págserbi ay para tu kadakilaan nu Panginoon, sakay para mepeta me u kagustuwan me a makatulung.

1 Tesalonica 1:8

Dipo tu maganda a halimbawa moy ay kimmalat u upos nu Panginoon ti Macedonia sakay ti Acaya. Maske u pánnampalataya moy tu Diyos ay nebaheta be tu atanan a lugar. Kanya ngani awan dán kailangan a magupos kame tungkul nikam.

2 Timoteo 4:20

Nagwahak ti Erasto ti Corinto, sakay ti Trofimo ay inwahak ko ti Mileto dipo te saket.