Gimet 19:17 - U Maganda A Baheta Ni Jesu-Cristo

¹⁷ Nabaheta iye nu atanan a mágyan ti Efeso, Judio ay ti Griego; kanya nanteng hide a atanan sakay pinure de u ngahan nu Panginoon a ti Jesus.

Gimet 19:17 ပူးပေါင်းရင်းမြစ်များ

Lukas 1:65

Neántingan u atanan a tagahod sakay nebaheta tu mabuke-buked a lugar ti Judea u tungkul tu nangyare di Zacarias sakay ti Elizabet.

Lukas 7:16

Neántingan hide a atanan sakay nagpure hide tu Diyos. Kinagi de, “Dummemát dán nikitam u dakila a prupeta. Immangay he u Diyos para tulungan na kitam a tolay na hide.”

Gimet 13:12

Summampalataya u gubernador nikuna netan na u nangyare sakay minagtaka siya tu intoldu di Bernabe tungkul tu Panginoon.

Gimet 18:19

Káddemát de ti Efeso ay inwahak na u duwwa sakay simmáddáp siya tu sinagoga sakay nákpagpaliwanagen tu Judio hod hide.

Gimet 18:21

Pero nikuna kadnadán ay kinagi na nide, “Magsoliyák he, ni kaluuban nu Diyos.” Sakay limmakad ti Efeso a nágsakay tu abeng.

Gimet 19:1

Mentaras katoy palla ti Apolos ti Corinto ay linakad be ni Pablo u mabuke-buked a lugar tu prubinsiya hanggan a nakademát siya ti Efeso. Netan na hod u sangan a mánnampalataya.

Gimet 19:16

Sakay bigla hide a linuksuwan nu lállake a nasaniban nu madukás a ispirito. Natalo na hide a atanan sakay tináttalinguwan tulos na a pinisad-pisad u babadu de hide kanya eklas hide a gimminan ti itod a bilay.

Gimet 19:18

Makpal be tu mánnampalataya hide u nángtapat tu káppalan nu tolay tu mágkadukás di hide a gimet.

Gimet 2:43

Makpal a himala sakay makataka-taka a bagay u ginimet nu Diyos tu pamamag-itan nu apostol hide. Kanya nabiyag hide a tehhod a pággalang sakay ánteng tu Diyos.

Gimet 5:11

Tunay u ánteng nu mánnampalataya hide sakay atanan a nakasaneg ti itod a nangyare.

Gimet 5:13

Pero manteng a mákkuyog u awan hide mánnampalataya maski ni tehhod hide a respeto nide.

Gimet 5:5

Nikuna masaneg iye ni Ananias ay patay siya a natumba. Sakay atanan nu nakasaneg tu nangyare ay neántingan hide a tahod.

Filipos 1:20

U gugusto ko sakay áasaan ko ay awanák nakwa magkulang tu tungkulin ko, nan magkahodák ti begsák ni isip ánya man a odas. Tánni mabiyagák man oni matay dán ay mapapuriyan ti Cristo tu pamamag-itan ko.

2 Tesalonica 1:12

Para tu konna hod ay puriyán nu iba hide a tolay u Panginoon Jesus, dipo tu ugale moy a maganda. Sakay maparangalan kam be a kaguman na. Mangyare ina dipo tu kagbi nu Diyos, sakay nu Panginoon Jesu-Cristo.

2 Tesalonica 3:1

Nadid, kákkapatkákka me hide, ipagdasal moy kami be para u upos nu Panginoon ay mabilis a mekalat sakay masaya a tanggapán nu iba pa hide a lugar, a konna tu ginimet moy.