Gimet 19:15 - U Maganda A Baheta Ni Jesu-Cristo

¹⁵ Pero tinábbeg hide nu mágkadukás a ispirito, “Matengge ko ti Jesus sakay matengge ku be ti Pablo. Pero dideya kam?”

Gimet 19:15 ပူးပေါင်းရင်းမြစ်များ

Markos 1:24

“Ánya pák-alam muway nikame, Jesus a taga-Nazaret? Immangay kabe man he para puksaán mu kame? Tukoy taka, hiko u Banal a gábwat tu Diyos.”

Markos 1:34

Pinagpiyya na u tunay ti kakpal a te saket maski ni ányaman u bábbatiyán de sakay pinaibut na u madukás hide a ispirito. Awan na iye hide pinakultaden a magupos dipo tukoy de ni ti deya siya.

Gimet 19:14

U naggimet ti iye ay u pitto a anak a lállake nu pinakapuno a saserdote nu Judio hide a u ngahan na ay Esceva.

Gimet 19:16

Sakay bigla hide a linuksuwan nu lállake a nasaniban nu madukás a ispirito. Natalo na hide a atanan sakay tináttalinguwan tulos na a pinisad-pisad u babadu de hide kanya eklas hide a gimminan ti itod a bilay.

Santiagu 2:19

Awan beman maniwala kam a eessa la u Diyos? Maganda ina! Pero isipán tam a maskin u dimonyo hide ay maniwala be tu Diyos, sakay magpágpág pa ngane hide ti ánteng.